Tekang Kbuten 25:27 - Udél Dwata: Gna Kesfasad ne Lomi Kesfasad

²⁷ Ngangen ne deng le lembang yó kem ngà lewu yó koni. Yó kun kenhulung nmò Iso, tey hulung dmulok, són lem bnes gónóhen nô. Okóm ke Jakub kun, tey menek nawan tódô henek bè gónô le.

Tekang Kbuten 25:27 Iomraidhean Croise

Tekang Kbuten 21:20

Bè yóm deng kenok Ismaél, eles tendo nô béléen Dwata. Tódô nô bè yóm benwu laen hol wen tauhen boluyen Paran. Hlós baling tau alì hulung mogot boho ne gemtì.

Tekang Kbuten 27:40

Són olo gónóm mowil, són bè sudengem ne balingi tóbóng lówó yóm twolihem. Okóm bè yóm kdaw katuem du angati gewà lem hólólen.”

Tekang Kbuten 46:34

hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Job 1:8

Mon Dwata se, “Tonem Job kô, yóm tau tóbóng lówóhu? Laen dù tau talak tonok ke mkél béléen. Laen dù gónó le gemsanil du kem dumu tau. Tau gulit knawahen, lelen bong klikoen do ne tendo hetsik bè yóm sidek.”

Job 2:3

Mon Dwata se mò du, “Tonem Job kô, yóm tau tóbóng lówóhu? Laen dù tau talak tonok ke gemsenged du. Laen dù gónó le gemsanil du kem dumu tau. Tau gulit knawahen, lelen tey klikoen do ne tendo gel hetsik bè yóm sidek. Efet yóm kmoen ni, tey kguliten balù yóm tey kubugem dou anì lusu uu mò hemsidek du balù yóm klaen dù duónem du.”

Kem Lingón 37:37

Okóm hol hennagiem yóm tau hyu kmoen, yóm tau tedeng kmoen, yóm tau menek kehedemen. Tey wen semfu gu béléen.

Jirimaya 35:7

Ne bê ye se abay hdà gónô. Bê ye abay mò hulu ne mulu grép. Són bè kamfù gónó ye nô se kuy. Ke lolò ye nim hlolou kuy ni, angat tahà ktau ye ta nim tonok ni lelen hyu klowil ye.’

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.