Tekang Kbuten 25:18 - Udél Dwata: Gna Kesfasad ne Lomi Kesfasad

¹⁸ Yó gónó le gel nô kul yó kem kun ból Ismaél, nô le bè blóng yóm benwu Habila ne Sur, bè yóm benwu fi dmata kdaw Idyip bè yóm lan mógów ebè Asirya. Htólóng le bè yó kem dumu ból Abraham.

Tekang Kbuten 25:18 Iomraidhean Croise

Tekang Kbuten 13:10

Tahu se, temngel gu hilol Lat, tonen yóm klamang datal él Jurdan, tey wen él mlel bè yó efet kól bè Sur, skél bè yóm tehe hungul koyu Dwata ne bud skél bè benwu Idyip snéen. (Nim kestulón le Abram ne Lat ni, là deng genlà Dwata du he yó kem syudad Sodom ne Gomora.)

Tekang Kbuten 14:10

Yóm Datal Sidim, tey wen kem sol nelemen, hono hitok alì miket yóm lemen, yóm hitok boluyen aspaltu. Bè yóm kesgida le, là gemmò le yó kem tau hol geta lemwót bè Sodom ne Gomora, gotu le mlóy yó kem sendalù le. Wen se bélê le btang elem yó kem sol yó koni ne fen le mlóy etu lem bulul yó kem dumu.

Tekang Kbuten 16:12

Okóm yóm ngaem yó, hol lómón ke kudà tabag. Angat ket tau hnohonen ne ket tau se hmohon du. Tódô htólóngen kun ke benwu bè yó kem dumun setwoli.”

Tekang Kbuten 16:7

Bè yóm klóy Hagar yó, wen hógów Dwata gu bè longit semlong du bè yóm tbul él bè yóm benwu là hyu menwu du bè yóm lan mógów ebè Sur.

Tekang Kbuten 2:11

Yóm tanay lelen, boluyen Pisun, mlel etu lem yóm benwu boluyen Habila.

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

Tekang Kbuten 21:14

Hlafus hayahen bè yó, hewót Abraham Hagar lewu le yóm ngaen. Wen ken hebnotuhen du ne hesléhen du yóm sning kulit ógóf hnok él. Ngang le mógów efet le tódô tabag tmimbul lem yóm benwu là hyu menwu du boluyen Birsiba.

Tekang Kbuten 21:21

Ngangen ne efet hyehen yéen bè yóm sotu ngà libun Idyip.

2 Bok Kem Tau Hol Geta 23:29

Yóm tolo kegeta Jusaya, lemwót Faro Niku yóm tau hol geta bè Idyip, mógów ebè Él Yufratis nan e tnóbóng yóm tau hol geta bè Asirya. Kewót Jusaya bè yó se kun, mung du yó kem sendaluen, nundugen lu. Okóm hnatay Faro Niku Jusaya bè yóm keston le bè Megidu.

Kem Lingón 78:64

Matay bè sudeng yó kem tau gel blóng le ebè Dwata, ne là hlus le kul ke lenangag le lu yó kem yehen le deng bolu.

Kehewà 15:22

Kewót Musis bè yó bè Mohin Hulô, bud nalaken yó kem tau Israél ebè Sur, bè yóm benwu là hyu menwu du. Botong tlu kdaw le mlan lem yóm benwu là hyu menwu du yó ne balù udì ke wen él ton le.

1 Samwél 15:7

Gotu hnatay Sol yó kem tau Amalikayt lemwót bè yó bè benwu Habila efet kól etu bè Sur yóm benwu fi dmata kdaw Idyip.