Tekang Kbuten 25:13 - Udél Dwata: Gna Kesfasad ne Lomi Kesfasad

¹³ Yó boluy le lenwóten bè yóm hol twogu, Nibayot ne Kidar ne Adbil ne Mibsam

Tekang Kbuten 25:13 Iomraidhean Croise

Tekang Kbuten 17:20

Deng gungolu yóm hnihem gbak ebè Ismaél. Yó gónóm mon, nuyagu ne bud hwenu se kun ngà ne yó kem angat semfu gu béléen. Angat du mà yóm sfolò lewu kem tau mogot benwu ne yó kem semfu gu béléen bud nmou sotu but tau alì mbegel.

Tekang Kbuten 25:14

ne Misma ne Duma ne Masa

Tekang Kbuten 28:9

Ne yó gónón mógów ebè yó kem fes lówó yóm tehe mà dien Ismaél, yóm ngà Abraham ne yehenen yóm ngà Ismaél libun boluyen Mahalat libun Nibayot.

Tekang Kbuten 36:3

Bud yehen Iso snéen yóm ngà Ismaél boluyen Basimat yóm libun twoli Nibayot.

Kem Lingón 120:5

Tey sidek kegnómu du yóm knóu lem blóng ye, lómón ke nóe bè benwu Misak ne bè benwu Kidar.

Isaya 42:11

Yóm benwu laen hol wen tauhen, dalang se yó kem benwu lemnek nô lemen, hol dóyón ye Dwata. Hol dóyón ye Dwata, yu kem tau nô bè Kidar. Dalang se yó kem tau nô bè syudad Sila, hol ye hligal mensag gu ta yó kem bulul.

Isaya 60:7

Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.

Jirimaya 2:10

Mógów ye etu fi desdef bè yóm benwu Siprus ne bud ye mógów etu fi dmata kdaw bè yóm benwu Kidar. Hol hennagì ye yóm angat ton ye ditu. Hol hnénég ye ke deng wen bélê le ditu mò du yóm deng nmò ye béléu ni.

Kmukum 8:24

Okóm yó bud monen mò kul, “Ni wen hnihu bélê ye yóm ket kuy na sotu. Benlay ye o ket kuy na sotu yóm tdé deng negef ye bè yó kem tau Midyan.” (Abay se yó kem tau Midyan sket le temdé tahu blówón, skél le bè yó kem dumu tau menwu bè yóm benwu laen hol wen tauhen.)