Tekang Kbuten 24:67 - Udél Dwata: Gna Kesfasad ne Lomi Kesfasad

⁶⁷ Omin Isak mit ke Ribika ebè yóm gónô tehe gónón nô Sara, yóm yéen ne syehen le. Tey kbong nawa Isak ke Ribika ne yó se hemyu nawan bè yóm klangagen ke yéen.

Tekang Kbuten 24:67 Iomraidhean Croise

Tekang Kbuten 18:6

Omin Abraham hetlasik mógów elem gónóen ne monen mò ke tuha libunen, “Ó Sara, hetlasiki kut, mahi sotu lata yóm arina alì hyu, nmoem mambang.”

Tekang Kbuten 24:66

Bè yóm kkól le bè gónô, gotu tulón yóm tau tóbóng lówó Abraham ke Isak yóm kdê deng nmoen.

Tekang Kbuten 25:1

Bè yóm deng katay Sara, bud myehen Abraham. Yó boluy yóm libun bud yehenen, Kitura.

Tekang Kbuten 25:20

Deng fat folò ne halay Isak bè yóm kyehenen ke Ribika yóm ngà Bituél libun. Yóm Bituél tau Aramiyan lemwót bè Misuputamya. Yóm Ribika twoli Laban.

Tekang Kbuten 29:18

ne du se yóm alì nóyô Jakub, yó gónón mon du mò ke Laban, “Ke hyehenem dou Rakél, hitu halayu mò nmò béléem.”

Tekang Kbuten 37:35

Tódô kdê yó kem ngaen logi ne ngaen libun tô mifa du, okóm là kô dog hnungolen kul, monen, “Tódô senflósu ne lemangag du yóm ngau efet katayu.” Tahu se, là kóen mkó bè nawahen yóm klangagen ke Jusif yó.

Tekang Kbuten 38:12

Nahen legen bè yó, matay yehen Juda. Tikóng deng yóm kdaw klangag Juda du, lemwót Juda lewu le ween Hira yóm tau Adulam, mógów le ebè Timna na le e nauy yó kem tau gmunting bul yó kem ubihahen.

1 Tisalunika 4:13

Kem dumu me setwoli, kóyô me ke hol tngón ye yóm ktahuhen gbak ebè yó kem tau hemtahu deng matay, anì là kat ye langag, lómón yóm kul kmò yó kem tau laen dù nefet nawa le.

1 Tisalunika 4:15

Nim tolok me kuy ni, hono lemwót bè yóm kun tolok yóm gónó tekuy mogot. Bè yóm kdaw kkólen, là kô tekuy kendel gegna semlong yóm kdê tekuy tolo mowil ke là na le gotu mung tekuy yó kem tau deng tehe matay.