Tekang Kbuten 24:61 - Udél Dwata: Gna Kesfasad ne Lomi Kesfasad

⁶¹ Omin Ribika lemwót dalang se yó kem ngà libun lomi lemnok gel tóbóng lówóhen ne motun le eta yóm kamél, mung le bè yóm tau tóbóng lówó Abraham. Omin le gotu stodol lemwót.

Tekang Kbuten 24:61 Iomraidhean Croise

Tekang Kbuten 2:24

Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.

Tekang Kbuten 24:60

Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Tekang Kbuten 24:62

Bong ke Isak kun, deng kól bè yóm benwu laen hol wen tauhen moni bè yóm kokol boluyen “Kokol yóm Dwata mowil yóm mton dou.” Ne bè yó gónón nô fi leged bè yóm benwu Kanan.

Tekang Kbuten 31:34

Blaem yóm dwata lennged yó, deng sana bnos Rakél lem yóm sning nô bè syà kamélen ne yó nmoen, myón tahen. Tódô gotu snisif hnebel Laban gu lem tolda Rakél okóm là kô tonen du.

Istér 8:10

Yóm hsulat Murdikay yó, hlanen bè boluy Sérksis ne hdanaen lemen tising yóm tau hol geta yó. Yó kem sulat yó, heted le yó kem tau gel meted sulat smakay yó kem kudà alì mlóy, hónô kudà yóm tau hol geta.

Istér 8:14

Duhen yó lemwót bè udél yóm tau hol geta, tódô le lemwót yó kem tau fen meted du yó kem sulat yó, snakay le yó kem kudà yóm tau hol geta ne ya tey kehlóy le yó kem kudà le. Yóm udin yó bud glalag bè yó bè Susa, bè yóm gónô bong gónóhen nô yóm tau hol geta.

Kem Lingón 45:10

Ó Boi, ni hnungolem. Uu se ngaen libun yóm tau hol geta, hol henklinguhem nim ni. Klifótem ne yó kem fes lówó maem ne yóm kóm benwu.

Kmukum 5:30

‘Déke tolo sensólól le yó kem kimu negef le. Ket sendalù sotu duhen ke lewu libun mò kun. Wen kem nes alì tilob kun nwa Sisira ne wen yóm nes nsif tilob beteken mò dou.’

1 Samwél 25:42

Tódô kendel htifes Abigil ne wen limu libun tóbóng lówóhen mung du, ominen smakay kudà asnu mung bè yó kem tau dók Dabid ne baling yehen Dabid.

1 Samwél 30:17

Tódô nundug Dabid lu mung du yó kem tauhen, suloy le buteng mò du sfatay efet bud kifu hayahen bè yó. Laen dù bè yó kem tau Amalikayt gewà, tek són yóm fat latu kem lomi lemnok smakay kamél.