Tekang Kbuten 24:60 - Udél Dwata: Gna Kesfasad ne Lomi Kesfasad

⁶⁰ Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Tekang Kbuten 24:60 Iomraidhean Croise

Tekang Kbuten 1:28

Ne wen oluhen kul, monen, “Hol ye mból anì tódô tfeng klamangen benwu yó kem angat lugod ye mò kmamal du. Hogotu kuy kentihen mowil lem él ne kentihen gel móyóng te kmawang ne kentihen ógóf nô talak tonok.

Tekang Kbuten 14:19

Bè yóm keston le, ominen mni ke Abram bè Dwata, monen, “Yó hem Dwata hol geta bè kdéen, yóm Dwata tehe mò longit ne tonok, tendo tmóbóng kóm, Abram.

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 24:61

Omin Ribika lemwót dalang se yó kem ngà libun lomi lemnok gel tóbóng lówóhen ne motun le eta yóm kamél, mung le bè yóm tau tóbóng lówó Abraham. Omin le gotu stodol lemwót.

Tekang Kbuten 28:3

Yóm Dwata laen dù là gbeken du he hol tmóbóng kóm bè kebelem yehenem ne hol hwenen he bólem, anì yó angati baling mà yóm dê but tau talak tonok.

Tekang Kbuten 32:1

Bè yóm tolo lel le Jakub mógów, wen kem hógów Dwata semlong du.

Tekang Kbuten 48:20

Ne omin Jakub muyag kul bè yóm kdaw yó, monen, “Ke wen tau muyag kul yó kem tau Israél elem hulin kdaw, angat mon le, ‘Dwata he hol tmóbóng kuy lómón yóm któbóngen kul le Ifraim ne Manasi.’ ” Yó se gónó Jakub hegna ke Ifraim ne fen hfulihen ke Manasi.

Tekang Kbuten 9:1

Yó olu Dwata ke Nuwa ne yó kem ngaen logi, monen, “Hol ye bud mból anì bud wen tau talak tonok.

Jirimaya 29:6

Myehen ye anì hol ye mból. Hyehen ye lu yó kem ngà ye anì mból le se kul. Hol ye hból.

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.