Tekang Kbuten 24:56 - Udél Dwata: Gna Kesfasad ne Lomi Kesfasad

⁵⁶ Okóm mon yóm tau tóbóng lówó Abraham, “Yake bê ye tlek bud sen-gfét mi dé. Deng bnalà Dwata se yóm nógówu. Hulék ye ou ne ebè yóm gónóhu mogot.”

Tekang Kbuten 24:56 Iomraidhean Croise

Tekang Kbuten 24:40

Yó balaen du, monen, ‘Dwata he yó, yóm Dwata tendo nimónu, wen hógówen gu bè longit eles hmungen kóm, ne htonen kóm yóm nógówem. Angat wen libun tonem mò yehen yóm ngau bè yó kem kun kwen yóm tehe mà.

Tekang Kbuten 24:54

Ominen yó he mken yóm tau tóbóng lówó Abraham dalang se yó kem dumuhen ne wen se ninum le ne suloy le tungô bè yó. Hol hlafus bè yó btik le ne mon yóm tau tóbóng lówó Abraham, “Hulék ye ou ne ni ebè yóm gónóhu mogot.”

Tekang Kbuten 24:57

Bnalà le se, mon le, “Na tekuy htaba Ribika dé, na tekuy hnungol udélen.”

Kem Udél Hlalak Tehe Selumun 25:25

Yóm kehyu kegnóm tau du yóm kungolen yóm tulón hyu lemwót gu bè benwu mayuk lómón ke gemtob él tnaw yóm tau alì sidek kleengen.

Juswa 1:8

Hol gel senfalahem yóm bok gónón nô yó kem hlauhu kuy. Eles tendo suem bè nawam senflósen kdaw ne kifu ne hol nimón ye yóm kdê snulat lemen. Sónen bè yó se gónón hyu kógów klowilem ne gónóm gembek mò du yóm hmou kóm.