Tekang Kbuten 24:53 - Udél Dwata: Gna Kesfasad ne Lomi Kesfasad

⁵³ Ominen gotu bemlay du ke Ribika yó kem nes libun nwiten ne yó kem ngom libun nmò le gu bè tahu blówón ne gu bè blówón bukay. Ne bud wen se kem kimu mebtes blayen yóm logi Ribika ne bè yéen.

Tekang Kbuten 24:53 Iomraidhean Croise

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:22

Timbow deng gotu khinum Ribika yó kem kamél, lemwót yóm tóbóng lówó Abraham wen tising tahu blówón gel sù bè ilung nakaten, mung du yóm lewu blusù tahu blówón ne blayen ke Ribika.

2 Tutul Israél 21:3

Tey wen blay mà le kul mò nfun le, kem tahu blówón ne blówón bukay, ne kem kimu mebtes ne wen bè yó kem syudad mbegel beng hilolen bè Juda. Okóm fen blayen ke Jihuram yó dum kogoten benwu, abay se du yóm ngaen logi twogu.

Isra 1:6

Tódô kdê yó kem dumu le sebét gotu tmóbóng kul mlan bè yó kem tey dê blay le kul. Benlay le lu yó kem tukung blówón bukay ne kem tukung tahu blówón. Bud blay le kul snéen yó kem kdê wen mu le du bè lan. Ne wen kem ógóf lemulón blay le kul ne wen se kem dumu kimu mebtes ne wen se yóm blay le kul mò bud blay le ebè Gónô Dwata.

Kehewà 11:2

Ne ni, mudéli ebè yó kem tau Israél anì eles le mni bè yó kem tau Idyip dumu le sebét yó kem ngom libun nmò le bè tahu blówón ne bè blówón bukay.”

Kehewà 12:35

Blaem yó kem tau Israél, deng le eles mni kem ngom libun nmò le bè tahu blówón ne bè blówón bukay bè yó kem tau Idyip, ne wen se kem nes deng eles hni le lómón yóm deng mon Musis mò kul.

Kehewà 3:22

Gu laan le là deng lemwót he yó nmò yó kem libun Israél na le mógów ebè yó kem libun Idyip kul dumu sebét, duhen ke bè yó kem libun Idyip mauy bè yó kem dumu le sebét yó na le e mni bélê le nes ne ngom libun nmò le bè tahu blówón ne blówón bukay. Yó kem hni le yó, angat gotu leket le bè yó kem ngà le logi ne bè yó kem ngà le libun. Yó gónóm mon, tey wen nwit yó kem dou tau lemwót bè kul kendengen yó kem tau Idyip.”