Tekang Kbuten 24:48 - Udél Dwata: Gna Kesfasad ne Lomi Kesfasad

⁴⁸ Tódóe hegdufok ebè tonok, ne dóyónu Dwata, yóm gónón mogot yóm dou gónó mogot Abraham. Deng tódô hekteng nalaken ou ebè yóm sotu kun dumu yóm gónóhu mogot, ne bè yó gónóhu mton du yóm libun mò yehen yóm ngaen logi.

Tekang Kbuten 24:48 Iomraidhean Croise

Tekang Kbuten 22:23

Mngà Bituél, duhen Ribika.

Tekang Kbuten 24:52

Bè yóm kungolen du yóm tau tóbóng lówó Abraham yóm mon le yó, tódô bud hegdufok ebè tonok, tey kdóyónen ke Dwata.

Isra 8:21

Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.

Kem Lingón 107:7

Nalaken lu ebè yóm lan tedeng bè yóm benwu knóón mò gónó le menwu.

Kem Lingón 32:8

Deng mon Dwata mò dou, “Toloku kóm he yóm lan mò loloem. Ne wen mò hlolou kóm, ne tendo wen hlauhu kóm.

Kem Lingón 48:14

Yóm tey kbegelen yó, hol lómón yó se kun kmò Dwata. Ne laen dù tul sómnen yóm keDwata tekuy du. Du se fen malak tekuy efet kól bè katay tekuy.

Kehewà 18:20

Tey hyu yóm ktolokem du kul yó kem hlau Dwata ne yó kem dumu hloloen kul. Tey hyu snéen yóm kehlanem du bélê le yóm kmò kwit le ktau le ne yóm ktolokem du kul yóm hyu bang nmò le.

Kem Udél Hlalak Tehe Selumun 4:11

Deng gotu toloku kóm yóm lan ebè yóm khulung hedem ne deng nalaku u bè yóm lan ebè yóm ktedeng kmò.

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.