Tekang Kbuten 24:45 - Udél Dwata: Gna Kesfasad ne Lomi Kesfasad

⁴⁵ Bè yóm tolo lelu mni, tódô sut se Ribika, wen lebwón nwiten hyónen te abalen, mosol ebè kokol na a smulu él. Yó monu mò du, ‘Ó Lô, hinumem ou kun él.’

Tekang Kbuten 24:45 Iomraidhean Croise

Tekang Kbuten 24:44

ke hinumen ou ne ke bud hinumen se yó kem kamélu, deng duhen du se yóm libun nélékem mò yehen yóm ngaen logi yóm gónóhu mogot.’

2 Samwél 7:27

Ó Dwata yóm Dwata laen dù là gbeken du, yóm Dwata yó kem tau Israél, deng wen hetngónem dou, yóm tau tóbóng lówóhem, deng tulónem do, monem, ‘Angat wen tau hol geta tendo semfu gu béléem.’ Yó gónóm mon, laen dù klikou mni du béléem nim hnihu ni.

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Isaya 58:9

Ke mni ye ebéléu, gel bnalau yu. Ke tnaba ye ou, tnimulu yu. Hyu ke nmò ye sónen yóm kehegnok ye kem dumu ye ne yóm khisik ye kul ne yóm ksidek kbak ye ebélê le.

Isaya 65:24

Baluen ke tolo lel le mni ebéléu, deng eles gegna ne yóm kbalau kul.

Danyél 9:19

Ó Dwata, hol hnungolem ou. Ó Dwata, hol hnifótem mi. Hol henklinguhem ou ne bnalaem dou yóm hnihu béléem. Béi abay hgolun, Dwata, anì tngón yóm kdéen tau hol uu se yóm tahu Dwata, abay se yóm syudadem ne yó kem tauhem són kóm boluy yóm nwit le.”

Danyél 9:23

Hanà tolo nbutem mni bè Dwata, deng sana bnalaen u ne ni se nógówu naw e tulón kóm, abay se tey bong nawahen kóm Dwata. Yó gónóm mon, hnungolem ni anì hol getnefem yóm hton Dwata kóm.

Matyu 7:7

Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Kul Nmò 10:30

Mon Kurnilyus se, “Deng tlu kdawu ni ne nô ta na a mni bè Dwata. Deng dô tlu uras kimel tum tu, lómón ni se yóm kmò kdaw. Bè yóm igou tolo mni, tódô hegfan béléu yóm tau mnes sminang mdà bè soluhu,

Sulat Pol Ebè Yó Kem Tau Hemtahu Bè Rom 8:26

Yóm Tulus Dwata, tey ketgelen tekuy bè yóm gónó tekuy gel lunog. Lómón yóm gel kni tekuy ebè Dwata, là hol tngón tekuy du ke tedu yóm mò utóm tekuy. Okóm yóm Tulus Dwata fen hemkodu du bè Dwata yóm hol hyu bélê tekuy. Yóm fen gel kehkoduhen yó, là hulung tekuy mon du.