Tekang Kbuten 24:42 - Udél Dwata: Gna Kesfasad ne Lomi Kesfasad

⁴² Ne timbowe gdek bè kokol eginu, yó nmou mnihe bè Dwata, monu mò du, ‘Ó Dwata, yóm gónón mogot yóm gónóhu mogot Abraham, hol htonem dou balaen yóm hnihu béléem.

Tekang Kbuten 24:42 Iomraidhean Croise

Tekang Kbuten 24:11

Bè yóm kkólen ditu, gotu hefenen yó kem kamél moni bè yóm kokol nô bè lewà yóm syudad yó. Uma kóm, deng móyón kimel ne, uras le mangay él yó kem libun.

Tekang Kbuten 24:27

yó monen, “Tey kdóyónu kóm, Dwata yóm gónó mogot yóm gónóhu mogot Abraham. Deng dnohoem yóm fasadem bè yóm gónóhu mogot. Tódô hekteng nalakem ou ebè yóm hol kun kwen yóm gónóhu mogot.”

Tekang Kbuten 24:31

Yó udél Laban ebéléen, monen, “Géhéli, mungi dou ebè gónô, yakà uu du yóm tau deng tnóbóng Dwata. Béi tlek mdà bè ni. Deng wen dfél hentifesu bélê ye bè gónô ne wen mò gónó le nô yó kem kamélem.”

Tekang Kbuten 39:3

Tódô dilô yóm amohen yóm tendo knô Dwata bè Jusif ne yó gónón hyu uléken bè yóm ket gel nmoen bè yóm amohen.

Isra 8:21

Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Kem Lingón 37:5

Hogotem ke Dwata klowilem. Holi smalig béléen, ne tnóbóngen u.

Kem Lingón 90:17

Hol senflósem kmudung kum, Dwata, yakà uu du yóm mogot kum. Knudungem mi anì wen gónón e kól yóm kdê nmò me.

Kul Nmò 10:22

Mon le se, “Hógów Kfitan Kurnilyus mi edini. Tey hyu kmoen yóm kfitan tu, tau hemtahu bè Dwata, ne tey kadat le du kdê yó kem Ju. Deng wen hógów Dwata gu bè longit sut béléen, hfangayen uu ne anì gungolen yóm tulón gel nwitem.”

Sulat Pol Ebè Yó Kem Tau Hemtahu Bè Rom 1:10

Yó hol hnihu bè Dwata anì wen lanu hol mauy kuy ke lemwót bè kun kóyô, abay se deng tey kegenu ne tendo móló mógów edyó.

1 Samwél 1:13

Tonen muteb bede laen dù udél gungolen, ofo kun ke lengel.

1 Samwél 9:6

Okóm yó balaen du yóm tóbóng lówóhen yó, monen, “Tagad he. Bè nim benwu ni wen sotu tau Dwata menwu bè ni. Tey kadat le du yó kem tau abay se kdê yó kem gel eles tulónen sal dohò. Mógów te etu béléen, déke angat tulónen kut gónó le nô yó kem kudà asnu hnebel te.”