Tekang Kbuten 24:40 - Udél Dwata: Gna Kesfasad ne Lomi Kesfasad

⁴⁰ Yó balaen du, monen, ‘Dwata he yó, yóm Dwata tendo nimónu, wen hógówen gu bè longit eles hmungen kóm, ne htonen kóm yóm nógówem. Angat wen libun tonem mò yehen yóm ngau bè yó kem kun kwen yóm tehe mà.

Tekang Kbuten 24:40 Iomraidhean Croise

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 24:56

Okóm mon yóm tau tóbóng lówó Abraham, “Yake bê ye tlek bud sen-gfét mi dé. Deng bnalà Dwata se yóm nógówu. Hulék ye ou ne ebè yóm gónóhu mogot.”

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

Tekang Kbuten 5:22

Kogolen bè yó, bud metnù 300 halay Inuk ne tey tilob kesetngón le Dwata. Lem yó kem halay yó bud wen kem dumu ngaen.

Tekang Kbuten 5:24

Bè yóm klawihen mowil tey tilob kesetngón le Dwata, ominen tódô lana abay se tódô hbatun Dwata.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

1 Bok Kem Tau Hol Geta 2:3

Hol nmoem yóm hmoen kóm yóm sana kóm Dwata hol gónó mogot, ne hol loloem yóm kun klan. Hol nimónem yóm kdê hlauhen, ne yóm kdê dumu hloloen yó kem tauhen, yóm deng snulat bè Hlau Musis anì yó, sal wen gónón e kól kdê yó kem gel nmoem, ne balù kihu gónóm e solu, sal wen gendengem.

1 Bok Kem Tau Hol Geta 3:6

Bnalà Selumun se, monen, “Tey alì kbong nawam du yóm mau Dabid, abay se tey gulit kloloen kóm lelen tedeng, ne laen dù limengen béléem. Efet ni kmoen ni sana yó ne kbong nawam du, glokem bemlay du ngà logi mò tlesen.

1 Bok Kem Tau Hol Geta 8:23

ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu Dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.

2 Bok Kem Tau Hol Geta 20:3

monen, “Ó Dwata, hol hentulónem nawa yóm klawihu mowil, lemwót lem but blututu yóm klolou kóm ne yóm kmou du yó kem gónóm hligal.” Ne tódô btù dlumu Hisikaya.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Kem Lingón 16:8

Eles gel hegnahu Dwata, ne tendo gel nô klohoku. Yó gónón là monol nawahu balù kihu sut béléu.

Kem Lingón 91:11

Yakà wen hógów Dwata gu bè longit mò mentey kóm balù kihu gónóm e solu.

Kehewà 23:20

Bè yóm knô Musis bè Dwata ditu ta bulul, wen udél htulón Dwata ke Musis bè yó kem tau Israél, monen, “Ngem, bè yóm kógów ye ebè yóm benwu Kanan deng hentifesu mò kuy, angat wen hógówu gu bè longit mò eles tukô gna kuy mò mofin kuy bè lan ne mò mit kuy etu.

Kehewà 33:2

Wen hógówu gu bè longit mò tukô gna kuy. Ou se angat hdó kul yó kem tau bè yóm benwu yó, yó kem tau Kananayt ne yó kem tau Amurayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

Danyél 3:28

Omin Nibukadnisar mon du, “Hol dóyón tekuy yóm kul Dwata le Sadrak ne Misak ne Abidnigu. Deng wen hógówen gu bè longit mò lemwà yó kem tau tóbóng lówóhen smalig béléen. Là nimón le du yóm hlolou kul, mom hyu bélê le he ke matay le olo ke tô le tmaba ebè yó kem tólóng dwata. Tek són kul Dwata nimón le.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Deng Hegfan 22:16

“Ou se Jisas. Deng wen hógówu ebéléem lemwót gu bè longit mò heglalag du bélê ye bè simbahan ni kem ni. Ou se semfu gu bè yóm tehe Dabid, ne ou se yóm blotik semla alì mnóng ke móyón mwas.”

Deng Hegfan 22:8

Ou se Jan, yóm deng gotu mungol du kdê ni kem ni, ne deng gotu tonu snéen. Bè yóm deng kungolu du ne yóm deng ktonu du, tódóe hegluduk klohok ti yóm hógów Dwata deng hegfan du béléu lanu tô dmóyón du.