Tekang Kbuten 24:33 - Udél Dwata: Gna Kesfasad ne Lomi Kesfasad

³³ Bè yóm kkay le kul ken, mudél yóm tau tóbóng lówó Abraham, monen, “Tagad he dé, naw tulón kuy yóm hol bótóng nógówu edini.” Mon Laban se, “Tulónem kum sen.”

Tekang Kbuten 24:33 Iomraidhean Croise

Tekang Kbuten 24:32

Tahu se, mung ebè gónô le yóm tau tóbóng lówó Abraham yó ne yó kem dumuhen ne gotu ntó le Laban yó kem lulón yó kem kamél ne omin le bemlay kul ken. Ominen wen él blay le yóm tau tóbóng lówó Abraham ne yó kem dumuhen mò olob ti le.

Tekang Kbuten 24:34

Monen se, “Ou se yóm tóbóng lówó Abraham.

Kem Udél Hlalak Tehe Selumun 22:29

Tonem kô yóm tau alì gulit kmoen nmò? Knóón kmoen nmò bè yó kem tau hol geta, là bè yó kem tau hkawang du.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

1 Timuti 6:2

Hol néen ke hemtahu bè Dwata yóm mfun kul, là hyuhen ke là nimón le du, yakà deng le setwoli bè Krays. Mom monem yó ne hol keged le mò nmò bélê le, abay se yóm tau gmuta du yóm len-ged le, kul dumu hemtahu kenbong nawa. Hol henkimedem tmolok du kul ni kem ni, ne hol gendufem lu mò du.