Tekang Kbuten 24:3 - Udél Dwata: Gna Kesfasad ne Lomi Kesfasad

³ Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Tekang Kbuten 24:3 Iomraidhean Croise

Tekang Kbuten 14:19

Bè yóm keston le, ominen mni ke Abram bè Dwata, monen, “Yó hem Dwata hol geta bè kdéen, yóm Dwata tehe mò longit ne tonok, tendo tmóbóng kóm, Abram.

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

Tekang Kbuten 21:23

Yó nógów me ebéléem ni, hyu ke smafai bélê me bè ni bè solu Dwata. Hol safaem dou yóm là ksukatem dou dalang se yó kem ngau ne yó kem angat bólu. Duhen ni, bè yóm knóem lem blóng me, tey gel kfihu kóm. Dalang se kóm, smafai béléu bè yóm kfihem dou dalang se nim benwuhu gónóm nô ni.”

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Tekang Kbuten 27:46

Sotu kdaw bè yó, yó mon Ribika mò ke Isak, “Denge tey tmakas bélê le ne yó kem tólóng libun yehen Iso. Sélét ne ke tô bud myehen bè ni kem libun Hitayt Jakub, ngunte déke tódóe matay.”

Tekang Kbuten 28:1

Omin Isak htaba ke Jakub ne hnódóhen ne yó monen mò du, “Ó Ngà, hol béi abay myehen bè ni bè kem libun Kanan.

Tekang Kbuten 28:8

Bè yó ne gónó Iso temngón du yóm là kóyô maen kul yó kem libun Kanan.

Tekang Kbuten 34:9

Bong hyu se ke gotu hyehen ye bélê me yó kem kuy ngà libun, ne bud hyehen me lu bélê ye snéen yó kem kum ngà libun.

Tekang Kbuten 38:2

Bè yóm knóen bè yó, wen libun Kanan tonen yóm ngà Suha libun ne yehen le du.

Tekang Kbuten 47:31

Bud mon Jakub, “Smafai kun ke tahu yóm monem mò dou yó.” Tahu se, smafà Jusif. Ne tódô dóyón Jakub Dwata bè yóm gónón nô.

Tekang Kbuten 50:25

Omin Jusif hsafà kul, monen, “Safà ye dou yóm hol bud kwit ye lówóhu ke deng bang Dwata bud mit kuy mulék ebè yóm benwu tu.”

Tekang Kbuten 6:2

Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le.

Tekang Kbuten 6:4

Bè yóm kul kdaw yó ne balù bè yóm kogolen, tey wen kem tau lembang nô talak tonok, kem tau semfu gu bè yó kem libun te tonok yehen yó kem lemwót gu bè longit yó koni. Tey wen gendeng le yó kem tau lembang yó ne tey le tótól bè yóm kul kdaw.

2 Bok Kem Tau Hol Geta 19:15

Mni ebè Dwata Hisikaya, monen, “Ó Dwata yóm Dwata yó kem tau Israél, yóm myón kmamal lem blóng yó kem hógówem boluyen sirubim. Tek són uu se yóm Dwata mogot yó kem kdéen benwu talak tonok. Tek són uu se tehe mò longit ne tonok.

2 Tutul Israél 2:12

Hol megdóyón yóm Dwata yó kem tau Israél yóm Dwata mò longit ne tonok. Deng blayen ke Dabid yóm ngaen logi alì hulung hedem, ne dê kenhulungen lelen hulung temnef. Du se hemdà yóm Gónô Dwata, dalang se yóm kun gónô bong.

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

Kem Lingón 115:15

Dwata he hol tmóbóng kuy. Yóm Dwata tehe mò longit ne tonok.

Kem Lingón 136:26

Hol dóyón tekuy yóm Dwata nô bè longit. Laen kô dù tul sónen yóm kbong nawahen tekuy là monolen.

Kehewà 20:7

Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Kehewà 34:16

Ngangen efet le myehen bè kul libun yó kem ngà ye, yóm mit kul là hemtahu béléu ne mung le tmaba bè yóm kul dwata lennged.

Isaya 45:23

Sok wen gel fasadu hol dohò se yó, laen kô gembek temles du. Yóm fasadu kuy yó, là kóen bud mulék elem baku. Yó fasadu, angat kdéen tau gotu mtud bukol bè soluhu, mung du yóm safà le béléu anì són ou yóm gónó le mogot.

Jirimaya 10:11

Hol tulón ye bè yó kem tau gel tmaba ebè dwata lennged le, mon ye mò kul, “Yó kem kuy dwata kéng yó, là dlimun le du se kul yóm longit ne tonok. Angat le gotu lana yó kem dwata kéng yó, là kô bud tonem kul te tonok ne.”

Jirimaya 12:16

Ne ke hol lolò le yóm kul hentahu yó kem dou tau ne ke hol lemwót lem but blutut le ne ke hlan le bè dou boluy ke wen safà le, ke mon le, ‘Safau bè boluy yóm Dwata là matayen’ (lómón yóm tehe ktolok le yó kem dou tau, hsafà le lu bè boluy Baal) ke yó nmò le, baling le mò dou tau.

Jirimaya 29:6

Myehen ye anì hol ye mból. Hyehen ye lu yó kem ngà ye anì mból le se kul. Hol ye hból.

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Hlolò 19:12

Ke wen fasad ye, hol bê ye abay safà boluyu. Ke là dnohò ye du, olo ye hemyak yóm dou boluy. Ou se yóm sana kuy Dwata hol gónó mogot.

Sifanaya 1:5

Angat bud nmou són le snéen yó kem tau gel tmaba ebè kdaw ne ebè blotik ne ebè bulón ditu ta ketef gónô le. Gel mon le Dwata kun yóm lolò le, okóm deng le mom bud gel tmaba ebè yóm dwata kéng boluyen Molék. Yó gónóm mon, angat gotu nmou són le.

1 Kurin 7:39

Là kóen hyu yóm libun ke skó bè yehenen ne bud myehen igoen tolo mowil yóm gna yehenen. Okóm ke deng matay se yóm gna yehenen, là sideken ke bud myehen syan ke dumuhen hemtahu.

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

Dwata 6:13

Hol sù ye bè nawa ye yóm klikò ye du yóm sana kuy Dwata hol gónó mogot. Olon du gónó ye gel tmaba. Ke wen fasad ye, són bè kun boluy gónó ye hlan du.

Hibru 6:16

Bè tau kun, ke gel mò fasad, sal gel smafà bè boluy yóm geta sentahen, duhen Dwata. Ne ke yó nmoen ke wen senkukum le, laen kô dù sfuhen yóm keskukum le yó, abay se deng hlanen bè boluy Dwata.

Juswa 2:12

Ne ni smafà ye do bè yóm kuy Dwata yó, hol nmò ye bè yó kem fes lówóhu yóm hyu deng nmou bélê ye. Mò ye do ilô mò gónóhu smalig kuy.

Kmukum 14:3

Okóm tey kekbê le du le maen ne yéen, mon le mò du, “Moen du ke ditu gónóm mebel yehen bè yó kem Flistin là temngón ke Dwata? Ilóem laen dù tonem libun bè ni kô bè kut kwen duhen ke bè yó kem dumu tau Israél?” Okóm yó mon Samsun mò ke maen, “Du yóm nóyóu mò yehenu. Nwa ye dou.”

1 Samwél 20:17

Omin Junatan bud hsafà ke Dabid bè yóm kbong nawahen du abay se ke Junatan kun, yóm kbong nawahen ke Dabid lómón kbong nawahen yóm kun knô.

1 Samwél 30:15

Ne yó mon Dabid mò du, “Gbekem kô mit do ebélê le ni kem tau mundug ni?” Yó balaen du yóm tau yó, monen, “Nwitu u ebélê le, okóm holi smafà do mlan bè boluy Dwata, hol béem abay hnatay ou duhen ke hulékem ou ebè yóm ogotu.”