Tekang Kbuten 24:27 - Udél Dwata: Gna Kesfasad ne Lomi Kesfasad

²⁷ yó monen, “Tey kdóyónu kóm, Dwata yóm gónó mogot yóm gónóhu mogot Abraham. Deng dnohoem yóm fasadem bè yóm gónóhu mogot. Tódô hekteng nalakem ou ebè yóm hol kun kwen yóm gónóhu mogot.”

Tekang Kbuten 24:27 Iomraidhean Croise

Tekang Kbuten 13:8

Ne yó gónó Abram mon du mò ke Lat, “Ó ngà, là hyuhen bè yó kem tau te ke sfatay le abay se tey mget kesdumu te kut.

Tekang Kbuten 14:20

Hol megdóyón he yóm Dwata hol geta bè kdéen, yóm deng hatù kóm bè yó kem hohonem.” Omin Abram bemlay du ke Mélkésédék yóm gesfolò yó kem kimu deng bud niten mulék, yóm deng negef yóm fat kem tau hol geta.

Tekang Kbuten 24:12

Yó nmò yóm tau tóbóng lówó Abraham yó, mni bè Dwata, monen, “Ó Dwata, yóm ogot yóm dou gónó mogot, hol htonem dou balaen yóm hnihu béléem kemdaw ni, ne nmoem yóm deng fasadem yóm gónóhu mogot.

Tekang Kbuten 24:21

Tódô henek yóm tóbóng lówó Abraham yó, nénégen ke deng du balà Dwata yóm hnihen.

Tekang Kbuten 24:4

Holi mógów dou ebè yóm benwu tehe gónóhu sut, ne mebeli dou libun bè yó kem dou kwen mò yehen Isak.”

Tekang Kbuten 24:42

Ne timbowe gdek bè kokol eginu, yó nmou mnihe bè Dwata, monu mò du, ‘Ó Dwata, yóm gónón mogot yóm gónóhu mogot Abraham, hol htonem dou balaen yóm hnihu béléem.

Tekang Kbuten 24:48

Tódóe hegdufok ebè tonok, ne dóyónu Dwata, yóm gónón mogot yóm dou gónó mogot Abraham. Deng tódô hekteng nalaken ou ebè yóm sotu kun dumu yóm gónóhu mogot, ne bè yó gónóhu mton du yóm libun mò yehen yóm ngaen logi.

Tekang Kbuten 32:10

Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

Tekang Kbuten 32:11

Hol hnihu béléem, hol lenwaem ou ke wen sidek tô nmoen béléu yóm twoguhu Iso. Tey sidek klikou, déke sut ne tódô gotu hnatayen mi kdê me, gomong kem libun ne yó kem ngà.

Tekang Kbuten 9:26

Hol dóyón kuy Dwata, yóm gónón mogot Sém. Kanan se angat heseken.

2 Samwél 18:28

Omin Ahimaas tmaba ebè yóm tau hol geta igoen mlóy, monen, “Deng menek ne yóm kdéen.” Ominen hegdufok ebè tonok bè solu yóm tau hol geta, monen, “Hol dóyón tekuy yóm kóm Dwata hol gónó mogot. Deng hegmoen uu bè yó kem hohonem matù kóm.”

Kem Lingón 100:5

Tey hyu yóm Dwata. Laen kô dù tul sónen yóm kbong nawahen tekuy. Ne là kóen monol yóm nawahen ebélê tekuy efet kól bè laen dù sónen.

Kem Lingón 68:19

Hol dóyón tekuy Dwata. Hol dóyón tekuy yóm Dwata deng lemwà tekuy. Tódô ket kdawen tmóbóng tekuy bè yó kem blat nô ta tekuy.

Kem Lingón 98:3

Deng hendemen yóm tehe fasaden yó kem tau Israél, duhen yóm kbong nawahen kul ne yóm kteneben bélê le. Deng ton klamangen benwu yóm khewaen kum yóm kum Dwata.

Kehewà 18:10

botong monen, “Hol dóyón tekuy yóm Dwata deng lemwà kóm lem tdok Faro ne yó kem tauhen. Hol dóyón tekuy yóm Dwata deng lemwà yó kem tauhen bè yóm gónó le ghesek.

Kehewà 2:11

Timbow deng mtétél knawa Musis, yó nmoen nauyen yó kem kun dumu Hibru bè yó bè Idyip. Ne tonen yóm alì kdanda kehmò le kul yó kem nmò alì blat. Tonen snéen yóm kfes yóm sotu tau Idyip du yóm kun dumu Hibru.

Kehewà 2:13

Hayahen bè yó, bud nauyen yó kem dumu Hibru ne wen tonen lewu kem tau Hibru sfatay honon lu. Yó monen bè yóm tau wen salaen, “Moen du ke hendesem yóm kóm dumu Hibru?”

Kehewà 34:6

Omin Dwata miwes bè soluhen, ne hgelen udélen, monen, “Ou se yóm Dwata hol gónó mogot, yóm alì kmodu tau, yóm là mahilen lembut. Gel hegfanu yóm kbong nawahu yó kem tau ne là kóen monol yóm nawahu ebélê le.Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.

Kem Udél Hlalak Tehe Selumun 3:6

Balù nô kihu nmoem nam na gel setngón ke Dwata ne du he malak kóm bè yóm lan tedeng.

Kem Udél Hlalak Tehe Selumun 8:20

Yóm dou kmò klan sal mlan bè ktedengen ne sal hlanu bè yóm là keskihuhen.

Mika 7:20

Angat hol hegfanem bè yó kem kóm tau yóm là konol nawam ebélê me ne yóm tey kbong nawahem kum, lómón yóm deng tehe fasadem bè yó kem tehe fù me ekni le Abraham ne Jakub.

Kun Snulat Luk 1:68

“Hol dóyón tekuy Dwata, yóm gónó tekuy mogot yóm kdê tekuy kem tau Israél. Yakà deng bud tnóbóngen tekuy kem kun tau, ne deng lenwaen tekuy.

Kun Snulat Jan 1:17

Bè yóm tehe keblay Dwata yóm hlau ekni, hlanen bè Musis. Okóm bè yóm kehegfanen du yóm hol klinggel nawahen ne yóm hol ktahuhen, hlanen bè Jisas Krays.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Rut 4:14

Ne yó mon le mò ke Numi yó kem libun bè yóm benwu yó, “Hol dóyón tekuy Dwata bè nim béhem deng blayen kóm kemdaw ni mò angat semgyok kóm. Hol angat tótól bè yó kem tau bè Israél he nim ngà logi ni.

1 Samwél 25:32

Yó balà Dabid ke Abigil, monen, “Tey megdóyón yóm Dwata yóm Dwata yó kem tau Israél, yóm deng hógów kóm na a semlong do kemdaw ni.

1 Samwél 25:39

Timbow gungol Dabid yóm deng katay Nabal, yó udélen, monen, “Megdóyón yóm Dwata, du se fen meles ke Nabal bè yóm sidek deng nmoen béléu. Deng henseng Dwata o anì là melese. Deng guta Nabal ne balà yóm nmoen.” Omin Dabid kendel mdók tau ebè Abigil anì snólók le ke móyô myehen ke Dabid.