Tekang Kbuten 24:26 - Udél Dwata: Gna Kesfasad ne Lomi Kesfasad

²⁶ Tódô hegdufok ebè tonok yóm tóbóng lówó Abraham yó, dóyónen Dwata,

Tekang Kbuten 24:26 Iomraidhean Croise

Tekang Kbuten 22:5

Ominen mon du bè yó kem tóbóng lówóhen, monen, “Na ye tebel bè ni bè kudà. Na me mógów etuu lewu me nim ngau na me e tmaba ebè Dwata bè yó, bud me mulék edini kedeng.”

Tekang Kbuten 24:25

Tey wen ken ógóf bè gónô me ne wen mò gónó ye mefet bè yó snéen.”

Tekang Kbuten 24:48

Tódóe hegdufok ebè tonok, ne dóyónu Dwata, yóm gónón mogot yóm dou gónó mogot Abraham. Deng tódô hekteng nalaken ou ebè yóm sotu kun dumu yóm gónóhu mogot, ne bè yó gónóhu mton du yóm libun mò yehen yóm ngaen logi.

Tekang Kbuten 24:52

Bè yóm kungolen du yóm tau tóbóng lówó Abraham yóm mon le yó, tódô bud hegdufok ebè tonok, tey kdóyónen ke Dwata.

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

2 Tutul Israél 20:18

Omin Jihusafat mtud uyóhen bè tonok, ne dalang se yóm kdéen tau Juda ne tau bè Jirusalim, bud yó snéen kul nmò, ne dóyón le Dwata.

2 Tutul Israél 29:30

Omin yóm tau hol geta ne yó kem genlalen mdók yó kem sfu Libay anì sngal le yóm sngal dmóyón ke Dwata tehe nmò Dabid ne Asaf yóm tau gel wen hton Dwata du. Duhen yó, tey kehligal le dmóyón ke Dwata, gotu le kudung ne mtud le bukol bè tonok, ne tmaba le ebè Dwata.

Nihimaya 8:6

Yó mon Isra mò kul, “Hol dóyón tekuy yóm sana kut Dwata hol gónó mogot yóm Dwata hol dandónen geta.” Tódô kdéen tau gotu hdà le eta sigel le, mon le, “Tahu se. Tahu se.” Omin le gotu mtud bukol bè tonok hegfan le yóm keheglaan le bè Dwata. Yóm uyó le, botong gefet bè tonok.

Kem Lingón 22:29

Yó kem tau hegeta knô angat le gotu heglaan béléen. Laen kô dù tau te tonok ke là mtuden bukol bè soluhen.

Kem Lingón 66:4

Kdéen mowil te tonok, angat le gotu tmaba ebéléem. Angat sngal le yóm kdóyón le kóm, sngal le yóm kdóyón le yóm kóm boluy.”

Kem Lingón 72:9

Angat le gotu mtud bukol bè soluhen yó kem tau nô bè yóm benwu laen hol wen tauhen. Angat le gotu lemfen bè soluhen yó kem tau hmohon du.

Kem Lingón 95:6

Géhél ye ne, mtud kuy bukol bè soluhen, ne tmaba kuy ebéléen. Du se yóm hol gónó tekuy mogot, yóm tehe mifil tekuy.

Kehewà 12:27

mon ye mò kul, ‘Ni se yóm kedsù tekuy ebè Dwata bè yóm Kdaw Khius mò gónó tekuy hegfan du yóm kadat tekuy du, abay se tehe niusen yó kem gónô yó kem tau Israél bè Idyip bè yóm khatayen yó kem ngà logi twogu yó kem tau Idyip, okóm fen hlowilen tekuy.’ ” Timbow gungol le yóm udél Musis yó, gotu le mtud bukol yó kem tau Israél, dóyón le Dwata.

Kehewà 34:8

Tódô kendel mtud bukol bè tonok Musis nan e heglaan bè Dwata.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Mika 6:6

Bè yóm bud ktaba tekuy ebè Dwata yóm Dwata bè longit, tedu se tô nwit tekuy ebéléen du mò blay tekuy du bè yó kem sidek deng gel nmò tekuy? Nwit tekuy ebéléen kô yóm ngà safì hanà sfalayen alì hyu bè kdéen mò hkekeb te ebéléen?

Flipay 2:10

Duhen yó, lemwót bè yóm kadat le du yóm boluy Jisas, angat le gotu mtud bukol bè soluhen yóm kdéen nô bè longit, ne kdéen nô talak tonok, ne kdéen nô laan tonok, gotu le angat mtud bukol béléen.

Kmukum 7:15

Tikóng gungol Gidyun kna yóm tau yó koni ne yóm lanen, ya tey kdóyónen ke Dwata. Ominen tódô kendel semfulék mneged ebè kamfù yó kem tau Israél ne hgelen udélen tmaba kul, monen, “Btik ye ne, deng blay Dwata elem hólól tekuy yó kem sendalù Midyan.”

1 Samwél 1:28

Duhen ni, hetfingu ebè Dwata nim ngà ni ne bè yóm klawihen mowil ke Dwata funen.” Omin le yó tmaba ebè Dwata bè yó.