Tekang Kbuten 24:22 - Udél Dwata: Gna Kesfasad ne Lomi Kesfasad

²² Timbow deng gotu khinum Ribika yó kem kamél, lemwót yóm tóbóng lówó Abraham wen tising tahu blówón gel sù bè ilung nakaten, mung du yóm lewu blusù tahu blówón ne blayen ke Ribika.

Tekang Kbuten 24:22 Iomraidhean Croise

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:23

Ne yó monen mò du, “Hol tulónem dou kun, Lô, ke tau du maem? Wen kô gónó tungô bè gónóem anì mefet me bè yó kifu ni?”

Tekang Kbuten 24:30

Deng ton Laban yóm tising nô bè ilung libunen ne yó kem blusù nô bè henmuen ne deng gungolen yóm kdê tulón yóm tau tóbóng lówó Abraham ke Ribika, yó gónón tódô lemwót mógów etu bè yóm gónón nô yóm tau tóbóng lówó Abraham. Bè yóm kkólen ditu, lemwót yóm tau tóbóng lówó Abraham tolo mdà klohok yó kem kamélen moni bè yóm kokol.

Tekang Kbuten 24:47

Ominu smólók du, monu, ‘Tau du de maem?’ Yó balaen dou, monen, ‘Yó boluy mau, Bituél yóm ngà Nahor lewu le Milka.’ Bè yóm kungolu du yóm monen yó, yó gónóhu bemlay du yóm tising gel sù bè ilung, ne wen lewu blusù mung du.

Tekang Kbuten 24:53

Ominen gotu bemlay du ke Ribika yó kem nes libun nwiten ne yó kem ngom libun nmò le gu bè tahu blówón ne gu bè blówón bukay. Ne bud wen se kem kimu mebtes blayen yóm logi Ribika ne bè yéen.

Istér 5:1

Timbow deng tlu butengen bè yó omin Istér lemsek yóm nes libun boi, mógów ebè gónô bong bè Sérksis. Tikóng kól ditu, tódô htengen mdà bè lewà yóm bak dól yóm dfél yóm tau hol geta. Ne nô lemen yóm tau hol geta myón bè yóm bangkù gónón myón kmamal bede smolu ebè bak dól.

Jirimaya 2:32

Yóm ngà libun, gbeken kô kmifót du yóm ngom blówónen? Ne yóm libun myehen, gbeken kô kmifót du yóm nes mò leseken? Hol mou kun ne ke tô klifót le. Okóm yó kem dou tau deng kem hilu halayen ne yóm keklifót le dou.

Jirimaya 32:9

Tahu se, benlihu yóm tonok Hanamél bè Anatot. Yó blihu du béléen sfolò hitu botù blówón bukay.

1 Pitér 3:3

Bè yóm gel kehtilob ye, béen olo són bè yó kem gel hegfan ye ta, lómón yóm gel kmò ye yóm wek ye, ne yó kem ngom gel leket ye, ne yó kem nes gel lesek ye.

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.