Tekang Kbuten 24:17 - Udél Dwata: Gna Kesfasad ne Lomi Kesfasad

¹⁷ Tódô hetlasik yóm tóbóng lówó Abraham yó koni nan e senlong, ne monen mò du, “Ó Lô, hinumem ou kun él bè yóm lebwónem yóó.”

Tekang Kbuten 24:17 Iomraidhean Croise

Tekang Kbuten 24:45

Bè yóm tolo lelu mni, tódô sut se Ribika, wen lebwón nwiten hyónen te abalen, mosol ebè kokol na a smulu él. Yó monu mò du, ‘Ó Lô, hinumem ou kun él.’

1 Bok Kem Tau Hol Geta 17:10

Tahu se, tódô mógów ebè Sarifat Ilaydya. Ne bè yóm deng kkólen bè bak tikeb yóm benwu yó, tonen yóm libun bolu ma koyu, ne yó monen mò du, “Ó lenibun, hinum ou kun ke wen élem?”

Isaya 30:25

Bè yóm kdaw kegbà ye yóm gónó le heklung yó kem hohon ye ne yóm khatay ye kul, wen él hetbul Dwata hlelen gu bè ket bulul geta ne gu bè ket bulul lemnek.

Isaya 49:10

Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.

Kun Snulat Jan 4:7

Bè yóm igò Jisas hegnô bè yó, lemwót yó kem gel lemolò du na le e bemli ken. Kogol le lemwót, wen libun lemwót bè Samarya sut bè yó na a mangay él. Ne mon Jisas mò du, “Ó Lenibun, hinumem ou kun él.”

Kun Snulat Jan 4:9

Ne mon yóm libun mò du, “Igoem sem Ju kóm, ne libune lemwót bè Samarya dou, moen ke mnihi él béléu?” Yó se yóm balaen ke Jisas yóm libun yó, abay se là kô glemeg kem Ju du yóm kul tegayan ne huyów yó kem tau Samarya.