Tekang Kbuten 24:12 - Udél Dwata: Gna Kesfasad ne Lomi Kesfasad

¹² Yó nmò yóm tau tóbóng lówó Abraham yó, mni bè Dwata, monen, “Ó Dwata, yóm ogot yóm dou gónó mogot, hol htonem dou balaen yóm hnihu béléem kemdaw ni, ne nmoem yóm deng fasadem yóm gónóhu mogot.

Tekang Kbuten 24:12 Iomraidhean Croise

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 24:21

Tódô henek yóm tóbóng lówó Abraham yó, nénégen ke deng du balà Dwata yóm hnihen.

Tekang Kbuten 24:27

yó monen, “Tey kdóyónu kóm, Dwata yóm gónó mogot yóm gónóhu mogot Abraham. Deng dnohoem yóm fasadem bè yóm gónóhu mogot. Tódô hekteng nalakem ou ebè yóm hol kun kwen yóm gónóhu mogot.”

Tekang Kbuten 24:42

Ne timbowe gdek bè kokol eginu, yó nmou mnihe bè Dwata, monu mò du, ‘Ó Dwata, yóm gónón mogot yóm gónóhu mogot Abraham, hol htonem dou balaen yóm hnihu béléem.

Tekang Kbuten 24:48

Tódóe hegdufok ebè tonok, ne dóyónu Dwata, yóm gónón mogot yóm dou gónó mogot Abraham. Deng tódô hekteng nalaken ou ebè yóm sotu kun dumu yóm gónóhu mogot, ne bè yó gónóhu mton du yóm libun mò yehen yóm ngaen logi.

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 27:10

Ke sok deng któgóhu du, ominem mkay du ebè maem. Ne wen oluhen kóm gu laanen là deng matay.”

Tekang Kbuten 27:20

Mon Isak se, “Tey klahil kebelem utón ni du ngà.” Mon Jakub se, “Yóm Dwata gónóm mogot tmóbóng dou mebel du.”

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Tekang Kbuten 32:10

Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

Tekang Kbuten 32:9

Omin Jakub mni bè Dwata, yó monen, “Ó Dwata, hol hnungolem ou. Uu se Dwata téméu Abraham ne mau Isak. Uu se mdók dou mulék ebè dou benwu ne ebè yó kem dou dumu ne deng fasadem dou se yóm klaen dù hemenu bè yóm kuléku.

Tekang Kbuten 43:14

Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

1 Bok Kem Tau Hol Geta 18:36

Bè yóm deng uras kedsù le kimel, lemwót Ilaydya yóm tau tugod Dwata, hloni ebè yóm gónó demsù ne mni bè Dwata, monen, “Ó Dwata, yóm tehe kun Dwata Abraham ne Isak ne Jakub, hol hegfanem udas ni uu yóm kul Dwata yó kem tau Israél, ne ou se yóm tóbóng lówóhem ne deng gotu nmou ni kem hmoem do ni.

2 Bok Kem Tau Hol Geta 2:14

Fes Ilaysa bè él yóm nes Ilaydya yó koni, hgelen udélen, monen, “Nô se Dwata du, yóm kun Dwata gónó mogot Ilaydya?” Tikóng deng kfesen yóm él, ominen tódô mesgólól se yóm él, ne tódô mifal etu fatu Ilaysa mlan lem yóm gónón mékéng tonok.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Kem Lingón 118:25

Hol lenwaem mi, Dwata, hol lenwaem mi lem tdok yó kem hohon me. Hol tnóbóngem mi anì wen gendeng me.

Kem Lingón 122:6

Hol tekuy gel mni bè Dwata anì menek nim benwu Jirusalim, yó mon te, “Dwata he hemtilob kógów klowil le yó kem tau kembong nawa du yóm Jirusalim.

Kem Lingón 127:1

Ke là lemwóten bè Dwata yóm hdà gónô, olon gamà liteg le yó kem tau hdà du. Ke là bnentey Dwata du yóm benwu, olon gamà liteg le yó kem tau mentey du.

Kem Lingón 37:5

Hogotem ke Dwata klowilem. Holi smalig béléen, ne tnóbóngen u.

Kehewà 3:15

Tulónem yó kem tau Israél ou se yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Ou se yóm hógów kóm ebélê le. Yó se yóm dou boluy efet kól bè laen dù tul sónen. Yó se yóm angat bud gel taba le do yó kem lugod le elem hulin kdaw.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Kem Udél Hlalak Tehe Selumun 3:6

Balù nô kihu nmoem nam na gel setngón ke Dwata ne du he malak kóm bè yóm lan tedeng.

Matyu 22:32

‘Ou se sana kul Dwata le Abraham ne Isak ne Jakub.’ Bè yóm udél Dwata yó gónó ye temngón du yóm deng bud kehlowil Dwata kul. Abay se yóm Dwata, du se Dwata yó kem mowil, là bè yó kem là mowilen.”

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.