Tekang Kbuten 24:10 - Udél Dwata: Gna Kesfasad ne Lomi Kesfasad

¹⁰ Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:10 Iomraidhean Croise

Tekang Kbuten 11:26

Tikóng deng 70 halay Tira wen kem ngaen logi boluy le, Abram ne Nahor ne Haran.

Tekang Kbuten 11:29

Myehen Abram, duhen Saray. Ne myehen se ke Nahor, duhen Milka yóm ngà Haran libun. Yó twoli Milka duhen Iska.

Tekang Kbuten 11:31

Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.

Tekang Kbuten 11:32

Bè yóm knô le bè yó, matay Tira. Ne deng 205 halayen ne bè yóm katayen.

Tekang Kbuten 22:20

Kogolen bè yó, gungol Abraham deng wolu ne kem ngà Milka logi, yóm yehen yóm dumun sulil-lem boluyen Nahor.

Tekang Kbuten 24:2

Yó mon Abraham bè yóm tuha bè yó kem gel tóbóng lówóhen, yóm tau hogoten yó kem kdê nfunen, “Hsufitem lem blóng hahahu henmuem, smafai béléu.

Tekang Kbuten 24:22

Timbow deng gotu khinum Ribika yó kem kamél, lemwót yóm tóbóng lówó Abraham wen tising tahu blówón gel sù bè ilung nakaten, mung du yóm lewu blusù tahu blówón ne blayen ke Ribika.

Tekang Kbuten 24:53

Ominen gotu bemlay du ke Ribika yó kem nes libun nwiten ne yó kem ngom libun nmò le gu bè tahu blówón ne gu bè blówón bukay. Ne bud wen se kem kimu mebtes blayen yóm logi Ribika ne bè yéen.

Tekang Kbuten 27:43

Yó nmoem, géhéli lemwót etu bè Haran bè yóm logihu Laban.

Tekang Kbuten 29:1

Ngang Jakub mógów efet kól bè yóm benwu fi dmata kdaw.

Tekang Kbuten 29:2

Bè yó bè yóm gónón hnas, wen kokol tonen ne wen tlu bung ubiha hlilil gu hilolen abay se bè yó gónó le gel hinum kul. Uma kóm wen botu seng le bè bak yóm kokol yó.

Kul Nmò 2:9

Wen se bélê me lemwót bè benwu Partiya, ne wen se lemwót bè Midya, ne wen se bè Ilam. Wen se bélê me lemwót bè Misuputamya ne Judiya ne Kapadusya ne Pontus ne Asya.