Tekang Kbuten 24:1 - Udél Dwata: Gna Kesfasad ne Lomi Kesfasad

¹ Deng tey tuha ne Abraham ne tey tendo gel któbóng Dwata du bè ket yó kem gel nmoen.

Tekang Kbuten 24:1 Iomraidhean Croise

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 13:2

Nim Abram ni, tey wen kendengenen. Tey wen ubihahen ne kambingen ne safien ne wen se tahu blówónen ne blówón bukayen.

Tekang Kbuten 18:11

Bè yóm kdaw yó, deng le tey tuha ne le Abraham lewu le Sara, lelen deng teflok yóm kwen hen-gifat Sara.

Tekang Kbuten 21:5

Deng lematu ne halay Abraham bè yóm ksut Isak.

Tekang Kbuten 24:35

Tey deng bong któbóng Dwata du yóm gónóhu mogot yó ne deng henbalingen tau bong kendengenen. Tey wen ubihahen ne kambingen ne safien. Wen se tahu blówónen ne wen se blówón bukayen. Ke bè kem heseken, wen se kem hesek logihen ne wen se kem hesek libunen. Tey wen se kem kamélen ne tey wen se kem kudà asnuhen.

Tekang Kbuten 25:20

Deng fat folò ne halay Isak bè yóm kyehenen ke Ribika yóm ngà Bituél libun. Yóm Bituél tau Aramiyan lemwót bè Misuputamya. Yóm Ribika twoli Laban.

Tekang Kbuten 26:12

Bè yóm knô Isak bè yó bè Girar, wen tey hulu nmoen. Lemwót bè yóm gel któbóng Dwata du tey bong yóm gel tebasen botong lematu bud gel ulék yóm huluhen.

Tekang Kbuten 49:25

Yóm Dwata gel tmóbóng kóm Jusif, yó se kun Dwata maem, yóm Dwata laen dù là gbeken du, du se yóm gel tmóbóng kóm. Yó tóbóngen kóm, gel hkulónen gu tta gu bè longit ne gel hetbulen yó kem él laan tonok. Tey kehbólen du yó kem ógófem, dalang se yó kem ngaem.

1 Bok Kem Tau Hol Geta 1:1

Deng tey tuha ne Dabid, balù nô kfól kumù limun le du sana tey ketnawen.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Kun Snulat Luk 1:7

Són duen là mngà le, abay se atil yóm Ilisabét, ne bè yóm kdaw yó, deng tey ktuha le yóm lewu le.

Glasya 3:9

Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.