Tekang Kbuten 23:9 - Udél Dwata: Gna Kesfasad ne Lomi Kesfasad

⁹ anì hbaluen béléu yóm kilib boluyen Makpila, yóm nô bè kilil tonoken. Hol tulón ye du dou anì hbaluen béléu bè yóm hol tahu btesen. Tódô benlihu bè ni lem blóng ye mò hlós dou nfun mò dou gónó gel lembeng.”

Tekang Kbuten 23:9 Iomraidhean Croise

Tekang Kbuten 23:10

Deng eles myón bè yó Ifron lem blóng yó kem dumuhen tau Hitayt bè yóm gónó le gel stifun bè bak tikeb yóm syudad le. Tódô kdéen tau bè yó gotu mungol du yóm kbalaen ke Abraham, monen,

Tekang Kbuten 23:4

“Nim knóu lem blóng ye, olohe tau milo ebélê ye. Ke hyu bélê ye, hebli ye ou tonok mò gónóhu lembeng ke tuha libunu.”

Tekang Kbuten 23:8

ne monen mò kul, “Ke hyu bélê ye yóm kebengu ke tuha libunu dini, hol tulón ye dou ke Ifron yóm ngà Suhar,

Tekang Kbuten 25:10

Yóm tonok ni, deng tehe eles benli Abraham bè yó kem tau Hitayt. Bè yóm kilib yó gónó le lembeng ke Abraham ne tuha libunen Sara.

Tekang Kbuten 49:29

Omin Jakub bud mudél ebè yó kem ngaen, monen, “Ni móyóne lemwót, naw e ktes yó kem tehe gónóhu gu semfu. Ke soke matay, hol lebeng ye ou ditu bè yóm kilib tehe gónó le lembeng ke mà ne témê bè tonok Ifron, yóm tau Hitayt.

Tekang Kbuten 50:13

Nwit le lówóhen etu bè Kanan ne lebeng le bè yóm kilib bè Makpila fi dmata kdaw Mamri bè yóm tonok tehe benli Abraham bè Ifron, yóm tau Hitayt. Yóm tonok benlihen yó mò gónó le lembeng.

1 Tutul Israél 21:22

Yó udél Dabid ebè Arauna, monen, “Ke hyu béléem, heblihem dou nim gónóm kmusu ni, benlihu bè yóm hol btesen. Yó muhu du mò gónów hemdà gónó demsù ebè Dwata anì tenflok Dwata yóm des mit hatay.”

1 Tutul Israél 21:24

Okóm yó udél Dabid ebè Arauna, monen, “Bê, benlihu lu béléem bè yóm tahu btesen. Là kô gbeku tódô ma du yóm kóm ke mò dsuu ebè Dwata. Là kô gbeku demsù du yóm dsù hkekeb là benlihu du.”

Sulat Pol Ebè Yó Kem Tau Hemtahu Bè Rom 12:17

Bê ye bnalà sidek yó kem gel mò sidek bélê ye. Hentilob ye kmò ye anì laen dù gónó le gemsanil kuy kem dumu ye.

Sulat Pol Ebè Yó Kem Tau Hemtahu Bè Rom 13:8

Béen abay wen utóng ye là bnayad du. Olon yó dé utóng nbô ye, duhen yóm kbong nawa ye kem dumu ye. Abay se ke gotu kbong nawa ye kem dumu ye, deng gotu glolò ye ne yó kem hlau Dwata.