Tekang Kbuten 23:6 - Udél Dwata: Gna Kesfasad ne Lomi Kesfasad

⁶ “Bè kum kehedem du, là kói olo tau hkawang, uu se yóm hol datù sensadat. Tey hyu nawa me ke tódô lebengem bè yóm gónó lembeng hol knóón bélê me yóm tuha libunem.”

Tekang Kbuten 23:6 Iomraidhean Croise

Tekang Kbuten 13:2

Nim Abram ni, tey wen kendengenen. Tey wen ubihahen ne kambingen ne safien ne wen se tahu blówónen ne blówón bukayen.

Tekang Kbuten 14:14

Timbow gungol Abram yóm deng kegef le ke Lat, gotu htabahen yó kem kun kwen hulung mit sfatay bè yó bè kamfuen. Yó kwen le, tlu latu bud sfolò wolu. Ne omin le kemtes yóm fat kem tau hol geta megef ke Lat. Ngang le kemtes kul efet le gefet ditu bè benwu Dan.

Tekang Kbuten 18:12

Yó gónó Sara gkuli tek sotu, hendemen, “Tedu tô kmò kngau du, blaem teye deng tuha, dalang se kun yóm tuha logihu.”

Tekang Kbuten 20:7

Ne ni, hulékem ebè yehenen yóm libun yó, yakà tugodu yóm yehenen, ne du fen mni béléu béléem anì là matayi. Okóm ke là hulékem du, hol tahu se angati matay dalang se yóm kdê tau nô lem gónóem.”

Tekang Kbuten 21:22

Bè yóm kdaw yó, lemwót Abimélék yóm tau mogot bè Girar, mógów ebè Abraham, mung du yóm kmandér bè yó kem sendaluen boluyen Fikol. Yó mon Abimélék mò ke Abraham, “Ó Abraham, tódô dilô me yóm tendo knóen béléem Dwata bè ket yó kem gel nmoem.

Tekang Kbuten 23:5

Bnalà le se, mon le,

Tekang Kbuten 23:7

Tódô mtud bukol bè solu le Abraham

Tekang Kbuten 24:18

Tahu se. Mon yóm libun yó, monen, “Minumi sen, Sér.” Ne kendel heglaanen yóm lebwón ta abalen, ne nogoten bè yóm igoen minum yóm tau tóbóng lówó Abraham yó.

Tekang Kbuten 24:35

Tey deng bong któbóng Dwata du yóm gónóhu mogot yó ne deng henbalingen tau bong kendengenen. Tey wen ubihahen ne kambingen ne safien. Wen se tahu blówónen ne wen se blówón bukayen. Ke bè kem heseken, wen se kem hesek logihen ne wen se kem hesek libunen. Tey wen se kem kamélen ne tey wen se kem kudà asnuhen.

Tekang Kbuten 31:35

Ne yó mon Rakél mò ke maen, “Ó Mà, hol béem abay lenbut ou, là gbeku du mdà bè soluhem abay se tolo wen hen-gifatu.” Yó gónóm mon, là kô dog ton Laban du yó kem dwata lennged hnebelen.

Tekang Kbuten 32:18

Yó balaem du, monem, ‘Hono ke Jakub, yóm tóbóng lówóhem. Hwiten lu ebè yóm gónóhen mogot Iso. Yó huli kum.’ ”

Tekang Kbuten 42:10

Mon le se, “Là, Sér. Hono me kem tau hesekem na me e tô bemli ken.

Tekang Kbuten 44:5

Moen ke hennagaw ye yóm tegayan blówón bukayen? Igoen són yó gónón gel minum ne yó se yóm tegayan mtulusen. Deng tey gulé ksideken yóm salà nmò ye.’ ”

Tekang Kbuten 44:8

Tngónem se yó kem filak tehe ton me lem sakù me, gotu bud nit me mulék ebéléem gu bè benwu me bè Kanan. Tedu na me tô mnagaw tahu blówón du duhen ke blówón bukay bè gónô yóm gónóhem mogot?

Kehewà 32:22

Mon Aron se, “Béem tô lenbut ou, deng tngónem se yóm hónô kmò le sidek ni kem tau ni.

Isaya 45:14

Yó udél Dwata ebè yó kem tau Israél, monen, “Angat blayu kuy yó kem kendengen yó kem tau Idyip ne yó kem tau Sudan. Tódô le baling hesek bélê ye yó kem tau lembang tahà bè benwu Siba. Tódô le huli kuy, igò le kendina. Ne mtud le bukol bè solu ye, yó mon le, ‘Tahu Dwata yóm nô bélê ye, laen kô dù dumu dwata, són du.

Rut 2:13

Bud mon Rut mò du, “Tey kat kehyu kmoem ebéléu, Sér. Hol udél hemyu nawa yóm udélem ebéléu yó, igoen là kóe senged bè yó kem tau gel dókem. Olohu tau moyok néen dou.”