Tekang Kbuten 23:2 - Udél Dwata: Gna Kesfasad ne Lomi Kesfasad

² Ne matay bè Hibron bè benwu Kanan ne tey klangag Abraham du yóm katayen.

Tekang Kbuten 23:2 Iomraidhean Croise

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 23:1

Yó kegen Sara tau, botong lematu bud lewu folò hitu halayen.

Tekang Kbuten 23:19

Omin Abraham yó lembeng ke tuha libunen Sara bè yóm kilib bè benwu Kanan.

Tekang Kbuten 24:67

Omin Isak mit ke Ribika ebè yóm gónô tehe gónón nô Sara, yóm yéen ne syehen le. Tey kbong nawa Isak ke Ribika ne yó se hemyu nawan bè yóm klangagen ke yéen.

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 35:27

Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Tekang Kbuten 37:14

Yó mon maen mò du, “Nam e nauy lu ke laen du hemen le dalang se yó kem ógóf bnentey le. Bede budi mulék anì tngónu.” Tahu se, hewót maen Jusif bè yó bè Datal Hibron.

Tekang Kbuten 50:1

Timbow ton Jusif yóm deng katay maen, tódô lemfen nkiken lelen melek du.

Tekang Kbuten 50:10

Tikóng le kól bè yóm gónó le gel kmusu yó kem tau bè Atad, sotu benwu fi dmata kdaw él Jurdan na le na bud nodung bè yó Jakub. Botong hitu kdaw Jusif na bud modung du.

2 Samwél 1:12

Tey klangag le, gotu le mkik glok le fasting efet kifu lan le lemangag kul le Sol lewu le Junatan, ne yó kem sendalù Israél dalang se yóm kdê tau Israél, abay se deng tey dê bélê le matay bè sudeng.

2 Samwél 1:17

Omin Dabid hewót lemanu lanen lemangag kul le Sol lewu le Junatan.

2 Samwél 5:3

Tahu se, bè yó bè Hibron bè solu Dwata, wen senfasad le Dabid yóm kdéen tau malak bè Israél. Omin le temwél te kulu Dabid hnolo mò ilô yóm kbalingen tau hol geta bè Israél.

2 Samwél 5:5

Yó kegenen nô bè Hibron mogot yóm benwu Juda, hitu halay ne nem bulón, ne tlu folò tlu halay kegenen nô bè Jirusalim mogot yóm klamang benwu Israél ne benwu Juda.

2 Tutul Israél 35:25

Wen kem lanu nmò Jirimaya bè yóm katay Jusaya, ne efet nim kmoen ni sana gel kesngal le du, libun duhen logi mò gónó le hemtulón du nawa yóm katayen. Nim sngal langag ni, tódô hlós adat lolò le bè Israél, ne deng snulat le bè Bok Lanu.

Jirimaya 22:10

Ó kem tau bè Juda, hol bê ye abay nkik yóm katay Jusaya ne bê ye abay lenangag yóm klanahen lem blóng ye. Yó dé hol nkik ye yóm ngaen, duhen Jihuyahas yóm tau hol geta negef le ebè benwu mayuk, abay se là kóen bud gesfulék, là kô bud tonen du ne yóm kun benwu tehe gónó sut.

Jirimaya 22:18

Yó gónóm mon, yó udél Dwata eta Jihuyakim yóm ngà Jusaya deng bud tles maen mogot yóm benwu Juda, monen, “Là kô wen fes lówóhen mkik du ke sok matay. Ne laen se dù kem tau nogoten kemmón du yóm katayen.

Lista 13:22

Lolò le e mool mius le bè yóm benwu boluyen Négéb efet le kól bè Hibron, yóm benwu gónó le menwu yó kem sfu Anak, le Ahiman ne Sisay ne Talmay. (Yóm benwu Hibron yó, deng hitu halayen ne mdà gu laanen là deng mdà yóm syudad Suan yóm syudad yó kem tau Idyip.)

Lista 20:29

Deng tódô tngón yó kem tau Israél yóm deng katay Aron ne botong tlu folò kdaw le kegen le lemangag du.

Kun Snulat Jan 11:31

Bè yóm kewót Midi, gotu le kemtes huli du yó kem tey tau wen gel hemyu nawahen nô bè gónô le. Ofo kul ke nan e mkik ditu bè gónón lebeng Lasarus.

Kun Snulat Jan 11:35

Ne mosok lewok Jisas.

Dwata 34:8

Yó kegen kem tau Israél lemangag ke Musis bè yó bè Datal Muab, botong tlu folò butengen.

1 Samwél 20:31

Taman tolo mowil talak tonok yóm ngà Jisi yó, là kói mogot benwu se kóm. Yó gónóm mon, hangayem edini na hnatay.”

1 Samwél 25:1

Omin Samwél matay ne tódô kdéen tau Israél gotu stifun lemangag du ne lebeng le bè benwuhen bè Rama bè klohok gónóen. Kewót Dabid bè yó, bud mosol ebè yóm benwu laen hol wen tauhen boluyen Maun.

1 Samwél 28:3

Deng matay ne Samwél. Bè yóm katayen tódô kdê yó kem tau Israél gotu lemangag du ne lebeng le bè yóm kun benwu bè Rama. Ne yó nmò Sol, gotu hdóhen yóm kdê yó kem tau demwata ne kem tau mton bù bè yó bè Israél.