Tekang Kbuten 23:17 - Udél Dwata: Gna Kesfasad ne Lomi Kesfasad

¹⁷ Kewóten bè yó, Abraham ne tles mfun du yóm tehe tonok Ifron bè Makpila, fi dmata kdaw yóm benwu Mamri. Gomong du yóm kilib gónó lembeng ne yó kem koyu mteg gu bè yó efet kól bè kilil yóm tonok yó.

Tekang Kbuten 23:17 Iomraidhean Croise

Tekang Kbuten 23:20

Duhen yó, yóm tonok tehe nfun yó kem tau Hitayt ne yóm kilib nô du, deng baling nfun Abraham mò gónón gel lembeng.

Tekang Kbuten 25:10

Yóm tonok ni, deng tehe eles benli Abraham bè yó kem tau Hitayt. Bè yóm kilib yó gónó le lembeng ke Abraham ne tuha libunen Sara.

Tekang Kbuten 25:9

Bè yóm katayen, lebeng Isak lewu le Ismaél bè kilib Makpila, bè yóm tonok fi dmata kdaw yóm benwu Mamri, yóm tonok tehe nfun Ifron ngà Suhar, yóm tau Hitayt.

Tekang Kbuten 47:30

Yó nóyóu ke hol lebeng ye ou ditu bè yóm tehe gónón lebeng kem fuu. Nit ye hewà bè ni bè Idyip lówóhu, hol lebeng ye ditu bè yóm tehe gónó le lembeng kul.” Mon Jusif se, “Nmou béléem, Mà, yóm monem mò dou yó.”

Tekang Kbuten 50:13

Nwit le lówóhen etu bè Kanan ne lebeng le bè yóm kilib bè Makpila fi dmata kdaw Mamri bè yóm tonok tehe benli Abraham bè Ifron, yóm tau Hitayt. Yóm tonok benlihen yó mò gónó le lembeng.

Job 38:20

Gbekem kô mit kul ebè yóm kul gónó nô? Tngónem kô kóm yóm lan ebè yóm gónó le nô yó?

Kem Lingón 112:5

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Kul Nmò 7:16

Okóm,” mon Stéfén, “là hlós lebeng le kul bè yó. Bud na le e lebeng lu ditu bè Sékém, bè yóm benwu tehe fasad Dwata ke Abraham. Sù le lu ebè yóm kilib tehe benli Abraham filak bè yó kem tehe ngà Hamur mò gónó lembeng.

Ifisus 5:15

Duhen yó, hol gel tenngel ye kmò ye. Hol dnalang ye kmò yóm tau hulung hedem. Bê ye lolò kul kmò yó kem tau là hulungen hedem.

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.