Tekang Kbuten 23:16 - Udél Dwata: Gna Kesfasad ne Lomi Kesfasad

¹⁶ Tódô nmung Abraham yóm btes Ifron du yó koni ne tnimbangen lem blóng yó kem tau nô bè yó yóm fat latu botù blówón bukay mon Ifron yó. Lómó kmoen du, lómón yóm gel ktimbang yó kem tau gel bemli.

Tekang Kbuten 23:16 Iomraidhean Croise

Tekang Kbuten 23:15

“Mà Bong, yóm tonok yó, tek fat latu botù blówón bukay btesen. Laen kô dù hol btesen bélê te yó kem yó bè kem tau deng setngón nawa. Tódô lebengem bè yó ne tuha libunem.”

Tekang Kbuten 43:21

Timbow me kól bè yóm gónó me kól kifu bè yóm kulék me, gotu ntó me yó kem sakù me ne tódô ton me yóm ket kum ne sotu yó kem filak tehe bli me ken bud nô lem sakù me, balù udì ke wen mtón du. Ne ni bud nit me mulék ebéléem.

Tekang Kbuten 49:29

Omin Jakub bud mudél ebè yó kem ngaen, monen, “Ni móyóne lemwót, naw e ktes yó kem tehe gónóhu gu semfu. Ke soke matay, hol lebeng ye ou ditu bè yóm kilib tehe gónó le lembeng ke mà ne témê bè tonok Ifron, yóm tau Hitayt.

Tekang Kbuten 50:13

Nwit le lówóhen etu bè Kanan ne lebeng le bè yóm kilib bè Makpila fi dmata kdaw Mamri bè yóm tonok tehe benli Abraham bè Ifron, yóm tau Hitayt. Yóm tonok benlihen yó mò gónó le lembeng.

2 Samwél 14:26

Ket suléken gel hekleng weken bè yóm sfalay. Yó gónón mò du, abay se deng blat béléen. Bè yóm kekleng le du, botong dô lewu kilu bud sóól bè yóm kun timbang tau hol geta.

2 Samwél 24:24

Okóm yó udél yóm tau hol geta ebè Arauna, monen, “Benlihu lu béléem. Là gbeku demsù du ebè Dwata yóm dsù hkekeb ke laen dù blihu du.” Tahu se, benli Dabid yóm gónó kmusu ne yó kem safì bè limu folò botù blówón bukay.

Jirimaya 32:10

Bè yóm deng keblihu du femahu yóm klatas, ominen wen dketu du lem blóng yó kem gemtanud du. Tnimbangu yóm blówón bukay blihu du, ominu mayad du.

Jirimaya 32:9

Tahu se, benlihu yóm tonok Hanamél bè Anatot. Yó blihu du béléen sfolò hitu botù blówón bukay.

Matyu 7:12

Yó se nóyô ye nmò tau bélê ye, yó se kuy nmò bélê le. Ni se hol lemen yóm tehe hlau Musis dalang se yóm kul tolok yó kem gna tugod Dwata ekni.”

Kul Nmò 7:16

Okóm,” mon Stéfén, “là hlós lebeng le kul bè yó. Bud na le e lebeng lu ditu bè Sékém, bè yóm benwu tehe fasad Dwata ke Abraham. Sù le lu ebè yóm kilib tehe benli Abraham filak bè yó kem tehe ngà Hamur mò gónó lembeng.

Sulat Pol Ebè Yó Kem Tau Hemtahu Bè Rom 13:8

Béen abay wen utóng ye là bnayad du. Olon yó dé utóng nbô ye, duhen yóm kbong nawa ye kem dumu ye. Abay se ke gotu kbong nawa ye kem dumu ye, deng gotu glolò ye ne yó kem hlau Dwata.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.