Tekang Kbuten 23:11 - Udél Dwata: Gna Kesfasad ne Lomi Kesfasad

¹¹ “Ni hnungolem, tódô blayu kóm yóm tonok monem yó gomong du yóm kiliben. Hmungol ni kem dou kwen Hitayt nô bè ni, tódô blayu kóm mò gónóm lembeng ke tuha libunem.”

Tekang Kbuten 23:11 Iomraidhean Croise

Tekang Kbuten 23:12

Omin Abraham tódô bud mtud bukol bè solu yó kem tau Hitayt

Tekang Kbuten 23:18

Tódô kdê yó kem tau Hitayt mung bè yó, gotu temngón du yóm deng kfun Abraham du yóm tonok yó.

Tekang Kbuten 23:6

“Bè kum kehedem du, là kói olo tau hkawang, uu se yóm hol datù sensadat. Tey hyu nawa me ke tódô lebengem bè yóm gónó lembeng hol knóón bélê me yóm tuha libunem.”

Isaya 32:8

Okóm yóm tau laen dù kéngen, tey tedeng yóm gel nmoen ne tey mbegel kdaen du yóm tedeng.

Kun Snulat Luk 19:24

Ne bud mudél ebè yó kem dumu tau sedà bè yó, monen, ‘Na ye béléen yóm filak blówón tehe suu béléen, bud blay ye tum tau deng sfolò ulék yóm kun.’

Dwata 19:15

Bê ye tagad hensalà yóm tau ke tek sotu tau gemtanud du. Hyu ke lewu duhen ke tlu mò gemtanud du ke tahu se yóm salaen.

Rut 4:1

Lemwót ke Buas kun, mógów ebè yóm gónó le gel stifun bè bak tikeb yóm benwu yó ne bè yó gónón myón. Ominen mton yóm tau tehe monen hol moni bè Ilimélék, yóm tau tehe tulónen ke Rut ne tnabahen, monen, “Ó Wè, mógówi edini kun nam e myón.” Tahu se, mógów ebéléen, ne myón.

Rut 4:11

Ne mon yó kem tuha ne kem dumu tau hmungol du, “El, mi se deng gemtanud du. Dwata he hol hból lówóhen yóm libun yehenem lómón yóm tehe kehbólen lówó le Rakél ne Liya yó kem libun alì wen ngà Jakub bélê le. Balingi kwasa he lem blóng yó kem kóm kwen kem tau semfu bè Ifrat ne balingi tótól he bè ni bè Bitlihim.

Rut 4:4

Ne hyu béléu ke tngónem nim ni. Ke móyói bemli du, tulónem do bè yóm igò le hmungol ni kem tuha myón bè ni nii. Okóm ke là móyói, tódô monem. Wen hol kwalisem bemli du se kóm lemwót bè yóm hol kesloni ye tum deng matay. Okóm ke là móyói, tódô o ne bemli du.” Ne mudél yóm tau yó koni, monen, “Yó ne yó. Ou ne bemli du.”

Rut 4:9

Ne omin Buas mudél ebè yó kem tuha nô bè yó ne ebè yó kem dumu tau nô bè yó, monen, “Yu mò gemtanud du yóm keblihu du bè Numi yóm tonok tehe yehenen Ilimélék ne yó kem lewu ngaen Kilyun ne Malun.