Tekang Kbuten 22:8 - Udél Dwata: Gna Kesfasad ne Lomi Kesfasad

⁸ Yó balà Abraham du, monen, “Dwata he, ngà, fen bemlay du kut yóm mò dsù te.” Omin le yó hlós.

Tekang Kbuten 22:8 Iomraidhean Croise

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

Tekang Kbuten 22:14

Yó hlós boluy Abraham du yóm bulul yó, “Dwata fen bemlay.” Efet nim kmoen ni, gel mon yó kem tau, “Bè yóm kun bulul Dwata, du fen bemlay.”

Tekang Kbuten 22:7

yó mon Isak mò ke maen, “Ó Mà.” Bnalà Abraham se, monen, “Boluyen de, ngà?” Mon Isak, “Wen ofi nwit te ne wen snuken okóm nô se yóm ngà ubiha mò dsuem du?”

Tekang Kbuten 22:9

Timbow le kól bè yóm benwu deng tulón Dwata ke Abraham, omin Abraham semsodò yóm botu mò gónón demsù, ne senfótólen tahen yó kem koyu nwiten. Ominen mfét ke Isak ne hlasaen ta yó kem koyu deng senfótólen yó.

2 Bok Kem Tau Hol Geta 2:6

Omin Ilaydya bud mon du mò ke Ilaysa, “Tebeli bè ni ne, abay se bud hógów Dwata o etu bè Él Jurdan.” Okóm yó bud balà Ilaysa du, monen, “Safau bè yóm Dwata là matayen, ne safau bè yóm kóm klowil se kóm, là kô naw e tnagak kóm.” Tahu se, bud le hlós slomong yóm lewu le.

2 Tutul Israél 25:9

Snólók Amasaya yóm tau Dwata yó, “Tedu tô kmou du se yóm tey blówón bukay deng blayu yó kem sendalù Israél mò sukéy le?” Bnalà yóm tau Dwata, monen, “Glukas bè yó he yóm bud blay Dwata kóm.”

Matyu 19:26

Temngel ebélê le Jisas, monen, “Ke bè tau, là gbeken du. Okóm bè Dwata, laen dù là gbeken du.”

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Kun Snulat Jan 1:36

Bè yóm ktonen ke Jisas mius bè yó, bud monen, “Yó sii yóm Ngà Ubiha angat dsù Dwata.”

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

Deng Hegfan 5:12

Ya tey kesngal le, mon le, “Nim Ngà Ubiha ni, deng tehe hnatay le. Tey knóón du yóm kfasangen ne yóm kwen kendengenen, ne yóm ketngónen ne yóm kekgisen. Ne knóón du ke hol sensadat tekuy, ne ke hol hegeta tekuy, ne ke hol sendóyón tekuy.”

Deng Hegfan 5:6

Ominu yó mton yóm Ngà Ubiha mdà bè solu yóm myón bè yóm gónón myón kmamal, ne lem blóng yó kem fat mtulus, ne lem blóng yó kem tau tuha. Okóm bè yóm ktonu du, hol lómón ke deng wen tehe hmatay du. Wen hitu hangahen ne hitu se matahen. Yóm hitu yó, hnigaden yóm hitu kay kfasang yóm Tulus Dwata deng hógówen ebè klamang benwu.

Deng Hegfan 7:14

Monu se, “Là, Sér, là kô tngónu du. Tulónem dou dé.” Ne monen se mò dou, “Lu se yó kem tau deng mlan lemen yóm tey hlayam bong te tonok, okóm là kô gtebel le du yóm klolò le ke Jisas. Deng nolob le ne yóm nes le bè kun litô yóm Ngà Ubiha, ne deng baling bukay ne.