Tekang Kbuten 22:6 - Udél Dwata: Gna Kesfasad ne Lomi Kesfasad

⁶ Htihang Abraham ke Isak yóm koyu snuken yóm dsuen ne fen du mit yóm suk ne yóm bala ofi. Yóm igò le mógów,

Tekang Kbuten 22:6 Iomraidhean Croise

Tekang Kbuten 22:5

Ominen mon du bè yó kem tóbóng lówóhen, monen, “Na ye tebel bè ni bè kudà. Na me mógów etuu lewu me nim ngau na me e tmaba ebè Dwata bè yó, bud me mulék edini kedeng.”

2 Bok Kem Tau Hol Geta 2:6

Omin Ilaydya bud mon du mò ke Ilaysa, “Tebeli bè ni ne, abay se bud hógów Dwata o etu bè Él Jurdan.” Okóm yó bud balà Ilaysa du, monen, “Safau bè yóm Dwata là matayen, ne safau bè yóm kóm klowil se kóm, là kô naw e tnagak kóm.” Tahu se, bud le hlós slomong yóm lewu le.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Matyu 8:17

Nim nmoen ni, deng gónóhen dohò yóm tehe udél Isaya, yóm sotu tehe gna tugod Dwata ekni, yóm monen, “Balù kihu des tekuy, gotu kóhen.”

Kun Snulat Jan 19:17

Kewót le bè yó, nwit le Jisas, tódô htihang le du yóm kun kros. Nwit le ebè yóm benwu boluyen “Bangag Kulu.” (Yó boluyen bè udél Hibru, “Golgata.”)

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.