Tekang Kbuten 22:3 - Udél Dwata: Gna Kesfasad ne Lomi Kesfasad

³ Tahu se, hol hlafus bè yó, wen koyu nsô Abraham mò snuken yóm hedsù Dwata du. Ominen lemulón du ta yóm kudà asnu ne niten Isak. Ne wen lewu bè yó kem gel tóbóng lówóhen bud nwiten. Mógów le ebè yóm benwu deng tulón Dwata du.

Tekang Kbuten 22:3 Iomraidhean Croise

Tekang Kbuten 17:23

Bè yóm kdaw yó, tódô henmung nimón Abraham Dwata, tnulien Ismaél yóm ngaen ne kdê yó kem logi nô béléen.

Tekang Kbuten 21:14

Hlafus hayahen bè yó, hewót Abraham Hagar lewu le yóm ngaen. Wen ken hebnotuhen du ne hesléhen du yóm sning kulit ógóf hnok él. Ngang le mógów efet le tódô tabag tmimbul lem yóm benwu là hyu menwu du boluyen Birsiba.

Tekang Kbuten 22:18

Lemwót bè yóm tey kimónem dou, angat wen bè yó kem bólem gónóhu hlan du yóm tóbóngu yóm kdéen but tau talak tonok.”

Tekang Kbuten 22:2

Bud mon Dwata, “Nitem Isak, yóm tek sotu ngaem, yóm alì kenbong nawahem. Mógów ye etu bè benwu Muraya. Angat wen bulul toloku kóm ditu, ne ditu tahen gónóm hmatay du mò dsù hkekebem ebéléu.”

Tekang Kbuten 22:4

Bè yóm deng getlu le kdaw mógów, ton Abraham mayuk yóm bulul tulón Dwata du.

Kem Lingón 119:60

Là kóe tlek hanggà, tódô kendel nimónu yó kem hlauhem.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.

Juswa 3:1

Timbow hlafus hayahen bè yó, tódô temkifu btik Juswa ne kdê yó kem tau Israél, tnagak le yóm kamfù le bè Akasya, mógów le etu bè Él Jurdan ne bè yó gónó le hlun bud kmamfù, nangat le yóm kdaw le mifal.

Juswa 8:10

Hol hlafus bè yó, gotu htaba Juswa lu yó kem sendaluen ne gotu le lemwót etu bè Ay, tukô gna kul Juswa ne yó kem tau gónó le gel galak.