Tekang Kbuten 22:20 - Udél Dwata: Gna Kesfasad ne Lomi Kesfasad

²⁰ Kogolen bè yó, gungol Abraham deng wolu ne kem ngà Milka logi, yóm yehen yóm dumun sulil-lem boluyen Nahor.

Tekang Kbuten 22:20 Iomraidhean Croise

Tekang Kbuten 11:26

Tikóng deng 70 halay Tira wen kem ngaen logi boluy le, Abram ne Nahor ne Haran.

Tekang Kbuten 11:27

Ni se yó kem kun sfu Tira, yóm mà le Abram ne Nahor ne Haran. Yóm Haran, du se mà Lat.

Tekang Kbuten 11:29

Myehen Abram, duhen Saray. Ne myehen se ke Nahor, duhen Milka yóm ngà Haran libun. Yó twoli Milka duhen Iska.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 22:21

Yó boluy le lenwóten bè twogu, Us, ne Bus ne Kimwél (yóm gónó le gu semfu yó kem tau Aram),

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:15

Bè yóm tolo lelen mni, tódô sut yóm sotu sawang libun boluyen Ribika, wen lebwón hyónen te abalen. Yóm Ribika ni ngà Bituél. Yóm Bituél ngà Milka lewu le Nahor, yóm Nahor twoli Abraham.

Tekang Kbuten 24:24

Bnalà Ribika se, monen, “Yó boluy mau, Bituél ngà Nahor ne Milka.

Tekang Kbuten 31:53

Yó hem kul Dwata le Abraham ne Nahor mò fen angat kmukum kut ke nulé te yóm deng senfasad te ni.” Tahu se, tódô lolò Jakub yóm deng senfasad le yó hlanen bè boluy Dwata yóm gónón mogot maen Isak.

Kem Udél Hlalak Tehe Selumun 25:25

Yóm kehyu kegnóm tau du yóm kungolen yóm tulón hyu lemwót gu bè benwu mayuk lómón ke gemtob él tnaw yóm tau alì sidek kleengen.