Tekang Kbuten 22:17 - Udél Dwata: Gna Kesfasad ne Lomi Kesfasad

¹⁷ Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 22:17 Iomraidhean Croise

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 13:16

Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Tekang Kbuten 17:6

Angat tey kehbólu kóm ne wen bè yó kem bólem yó baling tau hol geta. Ne tey kbólem efet tey dê kay but tau semfu gu béléem.

Tekang Kbuten 24:60

Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Tekang Kbuten 25:11

Kogol yóm katay Abraham, tey któbóng Dwata ke Isak ne bè yó gónó Isak nô moni bè yóm kokol boluy le du, “Kokol yóm Dwata mowil yóm mton dou.”

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 26:4

Angat hwenu bólem, lómón kwen le blotik bè longit. Angat gotu blayu kul yóm klamang yóm benwu Kanan ni. Ne angat mlan bélê le gónóhu tmóbóng yóm kdéen but tau bè klamangen benwu.

Tekang Kbuten 28:3

Yóm Dwata laen dù là gbeken du he hol tmóbóng kóm bè kebelem yehenem ne hol hwenen he bólem, anì yó angati baling mà yóm dê but tau talak tonok.

Tekang Kbuten 28:4

Dwata he hol tmóbóng kóm kkólen bè yó kem angat lugodem, lómón yóm tehe któbóngen ke téméem Abraham. Yóm benwu Kanan gónóm lemnok ni, uu he angat gemwa du, yakà tehe blay Dwata du ke téméem Abraham ekni.”

Tekang Kbuten 32:12

Hol béem klifót yóm deng kfasadem du dou yóm klaen dù hemenu bè yóm bud kuléku ne yóm kehwenem bólu là gbek tau msó kul, lómón kwen le helek bè kilil mohin.”

Tekang Kbuten 32:13

Tódô suloy Jakub buteng nô bè yó. Timbow hlafus, wen néléken bè yó kem ógófen mò slongen ke twoguhen Iso. Yó néléken mò blayen du, 200 kambing libun ne 20 kambing logi, 200 ubiha libun ne 20 ubiha logi ne 30 kamél libun hono malak nati, 40 safì libun ne 10 safì tudu, 20 kudà asnu libun ne 10 kudà asnu logi.

2 Samwél 17:11

Yó dou hlau kóm, gotu sentifunem lu yóm kdéen sendalù Israél lenwóten bè Dan fi bwak efet kól bè Birsiba fi leged. Ke yó nmoem, kaem lómó kwen le yó kem sendaluem, lómón helek bè kilil mohin, ne tódô uu malak kul ebè sfatay.

1 Bok Kem Tau Hol Geta 4:20

Yóm kwen yó kem tau bè Juda ne kem tau bè Israél, hol lómón kwen le yó kem helek bè kilil mohin. Tey gsengel nawa le du yóm klowil le, abay se laen dù gónó le élél bè ken.

2 Tutul Israél 1:9

Duhen ni, Dwata yóm Dwata hol gónó mogot, hol hdohoem yóm deng fasadem ke Dabid yóm dou mà, yakà deng nmoen ou tau hol geta bè yó kem tey tau wen, hol lómón kwen le kfung talak tonok.

Nihimaya 9:23

Tey kehbólem kul yó kem tauhem lómón kwen le kem blotik bè longit. Sal gel hegmoem lu bè yó kem hohon le ne suem lu ta yóm tonok tehe fasadem yó kem tehe fù le.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Isaya 48:19

Ke deng tehe hnungol ye, deng le tey mobung ne yó kem sfu ye lómón kwen le helek. Ne lemwót bè yóm kofinu kul laen dù tau gembek gemlà kul.”

Jirimaya 32:22

Deng blayem yó kem tau Israél yóm tonok tehe fasadem yó kem tehe fù le, yóm tonok tilob ne tonok tembas.

Jirimaya 33:22

Angat hbólu yó kem sfu Dabid yóm tau tóbóng lówóhu, dalang se yó kem sfu Libay mò blóng ebéléu. Yóm kmò kehbólu kul, hol lómó kwen le blotik bè longit ne lómón kwen le helek bè kilil mohin, là kô gbek msó kul.”

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Husiya 2:1

“Bè yóm kdaw yó, yó angat taba ye yó kem dumu ye setwoli logi Lo-ammi, ‘Dou tau.’ Ne yó angat taba ye yó kem dumu ye setwoli libun Lo-ruhama ‘Yó kem kenbong nawahu.’ ”

Mika 1:9

Abay se deng tey nelem ne halì yó kem tau bè Samarya ne là bud gbek bnulung du. Balù bè Juda deng gefet ditu ne yóm hlayam yó ne balù bè bak tikeb Jirusalim, benwu gónón nô yó kem dou dumu, deng bud gefet bè yó snéen.

Sulat Pol Ebè Yó Kem Tau Hemtahu Bè Rom 4:13

Tehe yu ekni, wen fasad Dwata ke Abraham ne bè yó kem semfu gu béléen. Yó fasaden kul, lu angat mogot yóm klamangen benwu. Là kóen mlan bè klolò Abraham du yóm hlau Musis gónó Dwata hlan du béléen yóm fasad yó. Okóm mlan bè yóm kehtahuhen ke Dwata. Són yó se gónón tedeng kton Dwata du, són bè yóm kehtahuhen.

Sulat Pol Ebè Yó Kem Tau Hemtahu Bè Rom 9:27

Wen se kun udél tehe snulat Isaya ekni gbak ebè yó kem tau Israél, monen, “Balù yóm tey kwadag tau semfu bè yóm tehe Israél, lómó kwen le, lómón helek bè kilil mohin, ewenem là kô le hol wen gewà bè yóm angat ktafak Dwata kul.

1 Kurin 15:57

Okóm hol dóyón tekuy Dwata, abay se deng wen yóm lan nmoen hlanen bè yóm gónó tekuy mogot Jisas Krays, mò gónó tekuy matù bè salà ne hatay.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Dwata 10:22

Bè yóm tehe kógów le ebè Idyip yó kem tehe fù ye ekni, tek le hitu folò kwen le. Okóm ni tey kehból Dwata kuy, lómó kwen ye lómón yó kem tey blotik bè longit.” Là gomongen bè nili yóm tsaptér 11. Yó tulónen bè nim tsaptér ni yóm tey kubug Musis yó kem tau Israél anì hol nimón le Dwata. Tulón Musis kul yóm tey któbóng Dwata kul ke mimón le, okóm tey ktafaken kul yó kem tau là mimón du. Bud tulón Musis kul snéen yóm tey kehyuhen yóm tonok deng blay Dwata kul.

Hibru 11:12

Balù yóm deng ktuha Abraham, lómón ke là bud gbeken du mngà, okóm deng mom du yóm alì mobung bólen. Yó kwen le, lómón blotik bè longit, ne lómón helek bè kilil mohin, là gbekem msó kul.

Hibru 6:14

Yó monen mò ke Abraham, “Yó fasadu kóm, tnóbóngu uu, ne hol hbólu yó kem lugodem.”Ne tahu se, là kóen tmakas Abraham mangat du efet gutahen yóm deng fasad Dwata du yó.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”