Tekang Kbuten 22:14 - Udél Dwata: Gna Kesfasad ne Lomi Kesfasad

¹⁴ Yó hlós boluy Abraham du yóm bulul yó, “Dwata fen bemlay.” Efet nim kmoen ni, gel mon yó kem tau, “Bè yóm kun bulul Dwata, du fen bemlay.”

Tekang Kbuten 22:14 Iomraidhean Croise

Tekang Kbuten 22:13

Ominen tódô wen ubiha logi ton Abraham geskét lem yóm ngà koyu lefungu hangahen. Ne tódô nwahen, ominen hmatay du ne hkekeben ebè Dwata mò dsuen mò tles yóm ngaen tô dsuen.

Tekang Kbuten 22:15

Ominen bud tmaba ebè Abraham bè gewuhen dulék yóm hógów Dwata tmaba gu bè longit yó koni, monen,

Tekang Kbuten 22:8

Yó balà Abraham du, monen, “Dwata he, ngà, fen bemlay du kut yóm mò dsù te.” Omin le yó hlós.

Tekang Kbuten 28:19

Yó boluyen du yóm benwu yó, Bétél. Yó tehe boluyen yóm benwu yó, Lus.

Tekang Kbuten 32:30

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

1 Bok Kem Tau Hol Geta 17:8

Omin Dwata bud mon du mò ke Ilaydya,

Kehewà 17:15

Ne wen botu sensodò Musis mò gónón demsù ne yó boluyen du, “Yóm sana kum Dwata hol gónó mogot fen hegmò kum.”

Mika 4:10

Ó kem tau bè Jirusalim, hol ye mngawóy dé lómón yóm libun kmuleng blututen, abay se deng bang ktebel ye du ne yóm syudad ni, ditu gónó ye bud kmamfù bè yó kem lan. Angat negef le yu etu bè benwu Babilun. Okóm bè yó gónó Dwata bud lemwà kuy gu lem hólól yó kem hohon ye, ne bè yó bud gónón msok kuy.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Kmukum 6:24

Omin Gidyun semsodò botu bè yó mò gónóhen demsù ebè Dwata ne yó boluyen du, “Lemwót bè Dwata yóm kenek nawa.” Efet ni kmoen ni sana knóen bè yó bè Ufra yóm gónô demsù yó, nfun yó kem kun ból Abisér.

1 Samwél 29:10

Duhen ni, hanà minal mwas hlafus haya géhél ye lemwót ne yó kem tauhem.”

1 Samwél 7:12

Omin Samwél ma yóm sotu botu bong ne suen bè blóng le benwu Mispa yóm benwu Jisana ne yó boluyen du, Ibinisér. Yó lanen, “botu tóbóng.” Yó mon Samwél, “Efet ni kmoen ni yóm któbóng Dwata kum.”