Tekang Kbuten 22:11 - Udél Dwata: Gna Kesfasad ne Lomi Kesfasad

¹¹ sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

Tekang Kbuten 22:11 Iomraidhean Croise

Tekang Kbuten 16:7

Bè yóm klóy Hagar yó, wen hógów Dwata gu bè longit semlong du bè yóm tbul él bè yóm benwu là hyu menwu du bè yóm lan mógów ebè Sur.

Tekang Kbuten 21:17

Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 21:18

Mdai dé, nam e bentik yóm ngà, henyuhem stulón du. Angat tey kehbólu kul yó kem semfu gu béléen, ne baling le sotu but tau alì mbegel se kul.”

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Tekang Kbuten 22:10

Ominen ma yóm suk ne hol tô hnatayen se yóm ngaen,

Tekang Kbuten 22:12

Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”

Tekang Kbuten 22:16

“Ni wen hol fasad mget fasadu kóm hlanu bè boluyu. Ou se Dwata mon du nim ni. Lemwót bè yóm deng nmoem ni, yóm là kngalihem du dou yóm tek sotu ngaem, tendo tnóbóngu uu.

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Tekang Kbuten 31:11

Bè yóm knahu yó, wen hógów Dwata gu bè longit mudél ebéléu, monen, ‘Ó Jakub.’ Monu se, ‘Hó. Ni ou.’

Tekang Kbuten 37:13

Yó mon Jakub mò ke Jusif, “Ó Jusif, mógówi etu bè Sékém bè yóm gónó le hótób ógóf yó kem twoguhem.” Mon Jusif se, “Yó sen.”

Tekang Kbuten 46:2

Timbow kifu bè yó, mudél ebè Jakub Dwata, monen, “Ó Jakub, Jakub.” Mon Jakub se, “Hó. Ni ou.”

Tekang Kbuten 48:16

Yó hem hógów Dwata tehe gel lemwà dou bè yó kem gónón mgel hol tmóbóng kul. Hol mlan bè ni kem ngà ni gónóhen là lana yóm dou boluy ne boluy yóm téméu Abraham ne mau Isak. Dwata he hol hwen yó kem ngà le ne yó kem angat ból le.”

Kehewà 3:2

Bè yóm kkólen bè yó, wen hógów Dwata gu bè longit hegfan béléen bede hlingu bè dilóf ofi, mkal bè yóm sotu ngà koyu lefungu. Ton Musis yóm koyu lefungu tódô tfeng dilóf okóm là se kóen dog mlób.

Kehewà 3:4

Timbow ton Dwata yóm tô kehloni Musis edu, yó gónón mudél ebéléen gu lem yóm ngà koyu yó, monen, “Ó Musis! Ó Musis!” Bnalà Musis se, “Ni ou.”

Isaya 6:8

Ominu mungol yóm udél Dwata, yó monen, “Tau du se bang dóku du? Tau du se bang hógów tekuy du?” Tódô bnalau se, monu, “Ou dé hógówem.”

Kul Nmò 26:14

Tódô me gotu gdouf bè tonok yóm kdê me. Ne gungolu se yóm mudél ebéléu bè udél Hibru, monen, ‘Ó Sol, Ó Sol, moen de ke alì hnayamem ou? Là kô gbekem tô matù du yóm dou knóyô.’

Kul Nmò 9:4

Tódô gdouf bè tonok, sen-geng gungolen se yóm mudél, monen, “Ó Sol, Sole. Moen ni du ke sónmoem hmayam dou?”

Kmukum 2:1

Wen hógów Dwata gu bè longit lemwót bè Gilgal mógów etu bè Bukim. Yóm kkólen ditu, yó udélen ebè yó kem tau Israél, monen, “Deng hewau yu gu bè Idyip ne nwitu yu ebè nim tonok tehe fasadu yó kem tehe fù ye. Deng monu mò kuy là gbeku du ke là dnohou du yóm deng senfasad tekuy ditu bè Bulul Sinay.Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

1 Samwél 3:10

Bud sut Dwata, bud tmaba lómón yóm gnan, monen, “Ó Samwél, Samwél.” Bnalà Samwél se, monen, “Yó ne, Dwata, mudéli. Hnungolen uu yóm tóbóng lówóhem.”

1 Samwél 3:4

Omin Dwata tmaba ke Samwél, monen, “Ó Samwél, ó Samwél.” Bnalà Samwél se, monen, “Boluyen de?”