Tekang Kbuten 22:1 - Udél Dwata: Gna Kesfasad ne Lomi Kesfasad

¹ Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Tekang Kbuten 22:1 Iomraidhean Croise

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 21:11

Bè yóm kungol Abraham du yóm mon Sara yó, tey sbeweg kehedemen du, abay se hol kun ngà snéen yóm Ismaél.

Tekang Kbuten 22:11

sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

Tekang Kbuten 22:7

yó mon Isak mò ke maen, “Ó Mà.” Bnalà Abraham se, monen, “Boluyen de, ngà?” Mon Isak, “Wen ofi nwit te ne wen snuken okóm nô se yóm ngà ubiha mò dsuem du?”

Tekang Kbuten 37:13

Yó mon Jakub mò ke Jusif, “Ó Jusif, mógówi etu bè Sékém bè yóm gónó le hótób ógóf yó kem twoguhem.” Mon Jusif se, “Yó sen.”

Tekang Kbuten 46:2

Timbow kifu bè yó, mudél ebè Jakub Dwata, monen, “Ó Jakub, Jakub.” Mon Jakub se, “Hó. Ni ou.”

2 Samwél 24:1

Kogolen bè yó, tey bud kebut Dwata kul yó kem tau Israél, ne hsóhen lu ke Dabid mò lan Dabid hemsidek kul, monen, “Yó ne, gotu nsóhem lu yó kem tau Israél ne kem tau Juda.”

2 Tutul Israél 32:31

Okóm bè yóm kdaw kwen kem genlal lemwót bè Babilun na a hemtukul smólók yó kem hentaw ton deng ton le bè Juda, yó nmò Dwata, tódô bayaen Hisikaya anì bè yó gónón temngón du yóm hol nô bè nawa Hisikaya.

Kem Lingón 11:5

Henklol tenngel Dwata yó kem tau tedeng kmò le dalang se yó kem tau sidek nmò le. Tey kutó nawahen kul yó kem tau alì móyô hemsidek tau.

Kehewà 16:4

Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

Kehewà 3:4

Timbow ton Dwata yóm tô kehloni Musis edu, yó gónón mudél ebéléen gu lem yóm ngà koyu yó, monen, “Ó Musis! Ó Musis!” Bnalà Musis se, “Ni ou.”

Kem Udél Hlalak Tehe Selumun 17:3

Bè ofi gónó tau tmilów du yóm tembaga futì ne yóm tahu blówón ne Dwata se fen tmilów du yóm nô lem but blutut tau.

Isaya 6:8

Ominu mungol yóm udél Dwata, yó monen, “Tau du se bang dóku du? Tau du se bang hógów tekuy du?” Tódô bnalau se, monu, “Ou dé hógówem.”

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

Dwata 13:3

Hol bê ye abay kenmón yóm udélen ebélê ye yó. Yóm nmoen yó mò gónó Dwata tmilów kuy, yóm sana kuy Dwata hol gónó mogot, mò gónón hménég du ke hol lemwót lem nawa ye yóm kbong nawa ye du.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Hibru 11:17

Lemwót bè kehtahu Abraham gónón tódô demsù ke Isak, yóm ngaen, bè yóm tehe ktilów Dwata du. Balù yóm deng kwen fasad Dwata du mlan bè yóm ngaen yó, tódô nimónen se yóm dók Dwata du, tódô kem tô hnatayen yóm hol són ngaen mò dsuen ebè Dwata.

Sulat Jim 2:21

Mò kmoen se yóm tehe fù tekuy Abraham ekni? Gónón tedeng kton Dwata du du? Yó gónón tedeng, lemwót bè nmoen, yóm tô kedsuen yóm ngaen Isak.

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

Kmukum 2:22

Yó muhu du ni kem dù tau tebel ni mò gónóhu tmilów yó kem tau Israél ke tahu nimón le ou lómón yóm tehe kimón yó kem tehe fù le ekni.” Yó se udél yóm sana kul Dwata yó kem tau Israél.

1 Samwél 3:4

Omin Dwata tmaba ke Samwél, monen, “Ó Samwél, ó Samwél.” Bnalà Samwél se, monen, “Boluyen de?”