Tekang Kbuten 21:9 - Udél Dwata: Gna Kesfasad ne Lomi Kesfasad

⁹ Okóm bè yóm sotu kdaw, lemwót Ismaél yóm ngà Abraham bè Hagar, yóm libun Idyip heseken, nodoyen Isak yóm kun ngà Sara.

Tekang Kbuten 21:9 Iomraidhean Croise

Tekang Kbuten 16:1

Yóm Saray yehen Abram, atil se kun. Okóm wen libun Idyip heseken boluyen Hagar.

Tekang Kbuten 16:15

Wen ngà logi Hagar bè Abram ne yó boluy Abram du Ismaél.

Tekang Kbuten 17:20

Deng gungolu yóm hnihem gbak ebè Ismaél. Yó gónóm mon, nuyagu ne bud hwenu se kun ngà ne yó kem angat semfu gu béléen. Angat du mà yóm sfolò lewu kem tau mogot benwu ne yó kem semfu gu béléen bud nmou sotu but tau alì mbegel.

Tekang Kbuten 21:8

Ngangen ne lemnok yóm ngà yó. Tikóng skó tmutù botong mò ken bong Abraham.

2 Tutul Israél 30:10

Lemwót yó kem tau hógów yóm tau hol geta yó koni, mógów le ebè ket benwu bè klamang tonok Ifraim ne Mansai efet kól etu bè kun tonok snakuf Sibulun. Okóm deng mom senkuli le lu yó kem tau, deng mom sendekà le lu.

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

Kem Lingón 22:6

Okóm yóm dou, lómón ke là bude tau, lómón ke denge baling kuled. Tey khisik le dou yóm kdéen tau, ne lel le semdekà dou.

Kem Lingón 42:10

Tey sidek kegnómu du bè yóm kehnê le dou. Sónmò le mon du mò dou, “Nô se yóm Dwata gónóm hemtahu yó du?”

Kem Udél Hlalak Tehe Selumun 20:11

Balù yóm ngà sana kdilô du bè yó kem nmoen ke laen dù kéngen duhen ke tedeng kmoen.

Kem Udél Hlalak Tehe Selumun 22:10

Anì tefnô yóm kesbólów, hdó yóm tau gel sedekà, dalang se yóm kesegled ne kudél hemsidek nawa.

Glasya 4:22

Bè yóm hlau yó, wen tulónen gbak ebè yó kem lewu ngà Abraham logi. Yóm sotuhen, ngaen bè yóm tehe libun heseken. Ne yóm sotuhen, ngaen bè yóm yehenen là hesek du.

Glasya 4:29

Bè yóm kdaw yó, yóm ngà twogu boluyen Ismaél, yóm ngà lemwót bè kesyehen tau, gel hensideken yóm twolihen boluyen Isak, yóm ngà lemwót bè Tulus Dwata. Efet nim kmoen ni, senged se kmoen.

Hibru 11:36

Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu.