Tekang Kbuten 21:8 - Udél Dwata: Gna Kesfasad ne Lomi Kesfasad

⁸ Ngangen ne lemnok yóm ngà yó. Tikóng skó tmutù botong mò ken bong Abraham.

Tekang Kbuten 21:8 Iomraidhean Croise

Tekang Kbuten 19:3

Okóm nubug Lat lu ne mung le du ebè gónóen. Yó nmò Lat, hemtifes ken bélê le ne wen mambangen ne kayen bè yó kem tau gdek béléen ne mken le.

Tekang Kbuten 21:7

Ne yó bud monen, “Bè yóm gnan kdaw, laen kô dù tau tô mon du mò ke Abraham angat htutù ngà yóm tuha libunem. Okóm ni deng wen ngau béléen balù yóm tey deng ktuhahen.”

Tekang Kbuten 21:9

Okóm bè yóm sotu kdaw, lemwót Ismaél yóm ngà Abraham bè Hagar, yóm libun Idyip heseken, nodoyen Isak yóm kun ngà Sara.

Tekang Kbuten 26:30

Tahu se, omin Isak mò ken bélê le, ne gotu le seyón mken ne wen ninum le.

Tekang Kbuten 29:22

Tahu se, wen ken bong nmò Laban ne gotu tinoken yóm kdéen tau bè yóm benwu yó.

Tekang Kbuten 40:20

Tahu se, na a hto yóm tlu kdaw. Yó se yóm kdaw tehe ksut Faro. Wen tey ken bong nmoen bè yó kem genlalen. Bè yóm kdaw yó, hewà Faro yóm tau tehe gel mkay béléen ninum ne yóm geta bè yó kem gel mò mambang béléen, hdaen lu bè solu yó kem genlalen.

1 Bok Kem Tau Hol Geta 3:15

Tódô gebtik Selumun, anì monem olo knahen. Ominen mulék ebè Jirusalim, ne mdà bè solu yóm Slungan Dwata, bè yó gónón demsù yó kem dsù gel hkekeb le ebè Dwata, ne yó kem dsù mit sefyu ebè Dwata. Ominen gotu tminok yó kem genlalen ebè yóm ken bong nmoen.

Istér 1:3

Bè yóm getluhen halay myón, wen tey ken bong nmoen bè kdê yó kem genlalen ne bè kdê yó kem tau wen hogoten kul. Gotu le nô bè yó se kul yóm kdê genlal bè yó kem sendalù bè Pérsya ne bè Midya. Dalang se yó kem gubérnor bè yó kem prubinsya nogoten ne yó kem dumu genlalen, gotu le stifun ebè yó se kul.

Kem Lingón 131:2

Deng tódô gsengel nawahu ne dou, ne tey menek kegnómu du. Lómón yóm ngà deng henek hlilil te sigel yéen, hol lómón yó se yóm dou kenek nawa.

Husiya 1:8

Timbow senkó Gumér tmutù Lo-ruhama, bud mlutut ne mngà logi, yó se deng gewu ngaen logi.

Kmukum 14:10

Omin le maen hlós ebè gónô yóm libun niwol Samsun ne bè yó gónó Samsun mò ken bong bè lówóhen. Yó se kul gel adat yó kem sawang logi bélê le.

Kmukum 14:12

Yó mon Samsun mò kul, “Wen ngedu kuy. Ke tngón ye lanen gu laanen là deng skas tau bè yóm hitu buteng tekuy mò du nim mò ken ni, wen tlu folò nes bukay mò lafin nes blayu kuy ne tlu folò se yóm nes alì tilob mò nô tahen.

1 Samwél 1:22

Là dogen mung kun ke Hana. Yó monen mò ke tuha logihen, “Nahu nangat keskóhen tmutù he nim ngà ni, ominu mit du etu bè Gónô Dwata anì tebelu ditu ne tódô hlós nô bè yó bè yóm klawihen mowil.”

1 Samwél 1:24

Timbow skó tmutù yóm ngà, omin Hana mit du ebè Gónô Dwata bè Silu, homong nwit le yóm ngà safì hanà tlu halayen mò dsù le ne sotu bluyut arina ne wen tifas grépen.

1 Samwél 25:36

Tikóng kól bè gónô Abigil tódô glohen Nabal, wen tey ken bong nmoen, hol lómón ke du yóm sotu tau hol geta. Tey klengelen, yó gónó Abigil là tagad tmulón du du yóm deng keston le Dabid efet hlafus haya.