Tekang Kbuten 21:6 - Udél Dwata: Gna Kesfasad ne Lomi Kesfasad

⁶ Yó mon Sara, “Deng hefligal Dwata ou ne deng hkulihen ou. Yóm kdê tau mungol du nim ni angat le mung hligal kmuli béléu.”

Tekang Kbuten 21:6 Iomraidhean Croise

Tekang Kbuten 17:17

Tódô bud hegdufok ebè tonok Abraham. Okóm mom knulihen, yó hendemen, “Là kóen bud mngà ne yóm tau deng lematu halayen. Sélétem mom tô Sara ne igoen deng syóm folò halayen.”

Kem Lingón 113:9

Hefligalen yóm libun atil mlan bè kehngaen du. Hol dóyón tekuy Dwata.

Kem Lingón 126:2

Tey kkuli tekuy, lel kuy hligal semngal. Yó udél yó kem tau bè dumu benwu, mon le, “Tey któbóng Dwata kul yó kem tau yó.”

Isaya 49:15

Yó balà Dwata kul, monen, “Gbek yóm libun kô kmifót yóm ngaen hanà hulô ne là dog kenbong nawahen du yóm kun ngà hesut? Anien he ke gbek yóm yéen kmifót yóm ngaen, okóm yó dum dou là kô naw e gbek klifót kuy.

Isaya 49:21

Ne angat monem se kóm, ‘Gónó le gu lemwót du ni kem tey dê ngau ni? Igò le se deng lana béléu yó kem ngau ne là kóe bud mngà. Igò le deng megef do ne nit le o mayuk. Tau du de fen henok kul ni kem tey ngà ni? Tek sotuhu yóm tagak. Gónó le gu lemwót du ni kem tey dê ngà nii?’ ”

Isaya 54:1

Ó Jirusalim, hol lómón ke tehe uu yóm libun atil laen dù ngaen. Okóm ni, holi semngal ne holi hligal hegwoy, abay se angat tey dê ngaem senta yóm libun là tnagak yehenen du.

Jirimaya 20:15

Henmulau snéen yóm tau tehe mon du mò ke mà, ‘Wen hyu tulónu kóm, deng wen ngaem logi.’

Kun Snulat Luk 1:14

Angat tey kehligal ye bè yóm ksuten, dalang se yó kem tey dê dumu tau, hligal le se kul.

Kun Snulat Luk 1:58

Gungol yó kem dumuhen sebét kkólen bè yó kem dumuhen setwoli yóm tey nawahen ebéléen yóm gónón mogot ne gotu le gbót hligal se kul.

Sulat Pol Ebè Yó Kem Tau Hemtahu Bè Rom 12:15

Ke hligal kem dumu ye, gbót ye hligal bélê le. Ke wen knangag le, gbót ye langag bélê le snéen.

Hibru 11:11

Bud bè kehtahu Abraham snéen gónón wen ngaen, balù yóm deng tey ktuhahen. Ne yóm tuha libunen Sara, atil se kun. Tódô snaligen yóm tehe fasad Dwata du.

1 Samwél 1:26

Yó mon Hana mò du, “Ó Sér, gtulón nawam o kô? Ou se yóm libun tehe tonem mdà bè ni mni bè Dwata bè yóm gnan kdaw.