Tekang Kbuten 21:4 - Udél Dwata: Gna Kesfasad ne Lomi Kesfasad

⁴ Tikóng deng wolu buteng Isak sut, omin Abraham tmulì du, hol lómón yóm deng hlolò Dwata du.

Tekang Kbuten 21:4 Iomraidhean Croise

Kun Snulat Luk 1:59

Timbow deng sotu fedyanen sut yóm ngà yó, omin le tmulì du. Ne yó tô boluy le du Sekariya, tô boluy le du boluy maen.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Kun Snulat Luk 2:21

Timbow deng sotu fedyanen sut yóm ngà yó, omin le htulì du. Yó boluy le du Jisas, yóm boluy tehe tulón yóm hógów Dwata gu bè longit hnikót là deng bnolu yéen du he.

Kul Nmò 7:8

Ne wen hlolò Dwata ke Abraham, duhen yóm kehtulì mò ilô yóm deng kesfasad le. Ne tahu se, mngà Abraham, duhen Isak. Timbow deng wolu kdawen sut,” mon Stéfén, “tnulì Abraham yóm ngaen. Ne timbow mngà se ke Isak, duhen Jakub, ne bud tnulì Isak se kun. Timbow mngà se ke Jakub, duhen yó kem sfolò lewu logi, ne bud gotu tnulì Jakub lu. Lu se yó kem tehe fù tekuy alì tótól.

Dwata 12:32

Hol gotu nmò ye yóm kdê deng hlauhu kuy ne béen abay wen tnù ye du ne béen abay wen se kó ye du.