Tekang Kbuten 21:33 - Udél Dwata: Gna Kesfasad ne Lomi Kesfasad

³³ Ominen wen sotu koyu boluyen tamaris hulu Abraham bè yó bè Birsiba ne tmaba ebè Dwata bè yó, yóm Dwata laen dù tul sónen.

Tekang Kbuten 21:33 Iomraidhean Croise

Tekang Kbuten 12:8

Kogolen bè yó, ominen mili fi leged bè yóm benwu wen kem bululen fi dmata kdaw yóm syudad Bétél. Bè yó gónón kmamfù, bè gónón sóól Bétél ne Ay, tofi dmata kdaw yóm Bétél ne tofi desdef yóm benwu Ay. Bè yó bud gónón semsodò botu mò gónón demsù ebè Dwata ne bud tmaba ebè Dwata bè yó.

Tekang Kbuten 21:32

Timbow deng yóm kesfasad le bè yó bè Birsiba, omin le Abimélék ne Fikol mulék ebè yóm sana kul benwu bè Flistin.

Tekang Kbuten 26:23

Omin Isak bud lemwót bè yó mógów ebè Birsiba.

Tekang Kbuten 26:25

Omin Isak yó semsodò botu mò gónón demsù ebè Dwata ne tmaba ebéléen. Ne bè yó gónón bud kmamfù ne bud le mokol kokol bè yó se yó kem tau tóbóng lówóhen.

Tekang Kbuten 26:33

Yó boluy Isak du yóm kokol yó, “Safà.” Yó se gónón lemwót yóm boluy yóm syudad Birsiba.

Tekang Kbuten 4:26

Bud mngà se ke Sét, duhen Inus. Bè yóm kdaw yó, nbut le ne tmaba ebè Dwata yó kem tau.

Kem Lingón 90:2

Gu laanem là deng dmimun du yó kem bulul ne yóm klamangen benwu, deng sana kem yó ne yóm keDwatahem, ne laen kô dù sónen yóm keDwatahem yó.

Kem Lingón 93:2

Lemwót bè hol kbuten, Dwata, tey mbegel yóm kkamalem yóm klamangen. Gu laanem là deng mbut du yóm kdéen, deng sana kem yó ne yóm keDwatahem.

Kehewà 15:18

Uu se, Dwata, laen kô dù tul sónen yóm alì kegetahem.”

Isaya 40:28

Là deng tngón ye du he kô ne là deng gungol ye du? Yóm Dwata gónó tekuy mogot laen kô dù tul sónen. Du se tehe dmimun yóm klamang benwu. Là kóen na a miteg ne là se kóen na a lunog. Là gbek te hmingón du yóm tey kehedemen tekuy.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Amus 8:14

Yó kem tau gel smafà hlan le bè boluy yó kem dwata lennged bè Samarya, yóm gel mon du, ‘Hlanu bè kun klowil yóm dwata Dan,’ duhen ke mon le, ‘Hlanu bè kun klowil yóm dwata Birsiba,’ yó kem tau gel mon du yó angat le gotu masà, là kô le bud gebtik.”

Hbakuk 1:12

Ó Dwata, yóm hol dou gónó mogot yóm laen dù belenen, uu se yóm sana Dwata laen dù buten ne laen dù sónen, là kói na a matay se kóm. Yó kem tau Babilun yó, yó kô oluhem kul lu gemlà kum? Là. Là kô gbekem du yó, abay se uu yóm Dwata gel mofin kum. Okóm yó nmoem deng nélékem lu mò tmafak kum ne mò hemtedeng kum.

Sulat Pol Ebè Yó Kem Tau Hemtahu Bè Rom 1:20

Lemwót bè yóm tehe kedlimun Dwata benwu efet nim kmoen ni, deng eles wen ne lan tau gmileb du yóm Dwata, balù yóm là kton le du lem uyóhen. Yó gónó le gmileb du, duhen bè yó se kem deng dlimunen. Bè yó gónó le mton du yóm tey kegbek laen kô dù tul sónen, ne yóm hol keDwatahen. Yó gónóm mon, laen kô dù lasun tau là temngón ke Dwata.

Sulat Pol Ebè Yó Kem Tau Hemtahu Bè Rom 16:26

Okóm nim kmoen ni, deng hetngón Dwata hlanen bè yóm deng snulat yó kem tehe tugoden ekni. Yó hol hmò Dwata kum, hol hetngón me nim tulón ni ebè kdéen tau bè klamangen benwu anì hemtahu le, ne nimón le snéen. Ni se hol kun kóyô yóm Dwata laen dù tul katayen.

Dwata 32:40

Ou se yóm hol tahu Dwata là matayen. Hdau eta hólólu mò ilô yóm angat kehdohou du yóm angat nmou.

Dwata 33:27

Ebè yóm sana kuy Dwata se gónó ye e mlo. Laen kô dù nan e tul són yóm tendo ktuden kuy. Bè yóm kehlós ye elem yóm benwu fasad Dwata kuy, eles tukô gna kuy Dwata. Deng gotu lohen yó kem hohon ye ne heglaen kuy yóm kdê le.

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Hibru 13:8

Yóm Jisas Krays, là kóen megetles, lemwót bè kbuten efet kól bè sónen.