Tekang Kbuten 21:3 - Udél Dwata: Gna Kesfasad ne Lomi Kesfasad

³ Yó boluy Abraham du yóm ngaen, Isak.

Tekang Kbuten 21:3 Iomraidhean Croise

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Tekang Kbuten 17:21

Okóm bè yóm ngaem Isak, yóm ngà angat sut gu bè Sara halay hulin, béléen gónóhu hlan du yóm fasadu.”

Tekang Kbuten 21:12

Okóm yó mon Dwata mò ke Abraham, “Béem hesbeweg kehedemem du yóm ngaem logi yó ne yóm hesekem Hagar. Tódô loloem yóm mon Sara mò kóm abay se angat mlan bè Isak yó kem ból deng fasadu kóm.

Tekang Kbuten 21:6

Yó mon Sara, “Deng hefligal Dwata ou ne deng hkulihen ou. Yóm kdê tau mungol du nim ni angat le mung hligal kmuli béléu.”

Tekang Kbuten 22:2

Bud mon Dwata, “Nitem Isak, yóm tek sotu ngaem, yóm alì kenbong nawahem. Mógów ye etu bè benwu Muraya. Angat wen bulul toloku kóm ditu, ne ditu tahen gónóm hmatay du mò dsù hkekebem ebéléu.”

Tekang Kbuten 25:19

Ni se yóm tutul yó kem semfu gu bè Isak yóm ngà Abraham.

Matyu 1:2

Yóm Abraham ni, du se yóm hol kun mà yóm tehe Isak. Ne mngà yóm Isak, duhen Jakub. Tikóng mngà Jakub, duhen Juda ne yó kem dumun setwoli hono logi.

Kul Nmò 7:8

Ne wen hlolò Dwata ke Abraham, duhen yóm kehtulì mò ilô yóm deng kesfasad le. Ne tahu se, mngà Abraham, duhen Isak. Timbow deng wolu kdawen sut,” mon Stéfén, “tnulì Abraham yóm ngaen. Ne timbow mngà se ke Isak, duhen Jakub, ne bud tnulì Isak se kun. Timbow mngà se ke Jakub, duhen yó kem sfolò lewu logi, ne bud gotu tnulì Jakub lu. Lu se yó kem tehe fù tekuy alì tótól.

Sulat Pol Ebè Yó Kem Tau Hemtahu Bè Rom 9:7

Senged se ke tehe Abraham ekni, là kdéen du tau semfu gu béléen ke hol kun tau Dwata. Lómón yóm tehe mon Dwata mò ke Abraham, monen, “Hlanu bè yóm ngaem Isak yóm fasadu kóm bè kwen yó kem angat lugodem.”Yó lanen yóm mon Dwata yó, là mlanen bè yóm kun óyô mngà Abraham yóm ngà nélék Dwata, okóm hol mlan bè yóm ngà tehe fasad Dwata du.

Hibru 11:18

Igò Dwata deng tehe mon du mò du, “Mlan bè Isak yó kem tau semfu gu béléem, yóm deng fasadu kóm.”Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Juswa 24:3

Okóm nwitu Abraham yóm hol kuy fù, gu bè yóm tonok sentu Él Yufratis yó, nwitu edini bè nim benwu Kanan ni. Ne tey kehbólu du. Hngau du Isak