Tekang Kbuten 21:25 - Udél Dwata: Gna Kesfasad ne Lomi Kesfasad

²⁵ Omin Abraham kmamo du bè Abimélék yóm deng kled kem tau semgyok ógóf Abimélék du yóm sotu kokol deng hokolen yó kem tau tóbóng lówóhen.

Tekang Kbuten 21:25 Iomraidhean Croise

Tekang Kbuten 13:7

Yó se gónó le gel sfatay yó kem tau mentey ógóf Abram ne yó kem tau mentey ógóf Lat. Bè yóm kdaw yó, tolo le menwu bè yó he yó kem tau Kanan ne yó kem tau Pirisayt.

Tekang Kbuten 21:24

Mon Abraham se, “El. Smafae béléem.”

Tekang Kbuten 21:26

Yó balà Abimélék du, monen, “Là tngónu du ke tau du mò du yóm yó. Moem là géhél tmulón du dou du? Ni he ketngónu du.”

Tekang Kbuten 29:8

Mon le se, “Là gbek me mò du myó ke là deng le kól bè ni yóm kdéen bung ubiha ne ke là deng lenkà me du yóm botu seng bè bak yóm kokol. Omin me yó he hinum kul.”

Kem Udél Hlalak Tehe Selumun 17:10

Yóm tau hulung temnef anien ke tek sulék mólów du sana kwen dnalangen senta yóm tau book baluen ke lematu dulék moug du.

Kem Udél Hlalak Tehe Selumun 25:9

Ke wen gónóm là segtud yóm dumuhem tau tódô lifut sentulón ye ne bê ye bud hból.

Kem Udél Hlalak Tehe Selumun 27:5

Mom hyu he ke tódô benkasem yóm kbólówem yóm tau senta ke yó hendemen là bong nawahem du.

Matyu 18:15

“Ke wen gónón gemsalà béléem yóm dumuhem hemtahu, tódói mógów ebéléen, ne sentulón ye són yu lewu ye yóm salaen béléem. Ke hnungolen uu, bud mulék hyu yóm keswè ye.