Tekang Kbuten 21:24 - Udél Dwata: Gna Kesfasad ne Lomi Kesfasad

²⁴ Mon Abraham se, “El. Smafae béléem.”

Tekang Kbuten 21:24 Iomraidhean Croise

Tekang Kbuten 14:13

Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Tekang Kbuten 21:23

Yó nógów me ebéléem ni, hyu ke smafai bélê me bè ni bè solu Dwata. Hol safaem dou yóm là ksukatem dou dalang se yó kem ngau ne yó kem angat bólu. Duhen ni, bè yóm knóem lem blóng me, tey gel kfihu kóm. Dalang se kóm, smafai béléu bè yóm kfihem dou dalang se nim benwuhu gónóm nô ni.”

Tekang Kbuten 21:25

Omin Abraham kmamo du bè Abimélék yóm deng kled kem tau semgyok ógóf Abimélék du yóm sotu kokol deng hokolen yó kem tau tóbóng lówóhen.

Tekang Kbuten 47:31

Bud mon Jakub, “Smafai kun ke tahu yóm monem mò dou yó.” Tahu se, smafà Jusif. Ne tódô dóyón Jakub Dwata bè yóm gónón nô.

Sulat Pol Ebè Yó Kem Tau Hemtahu Bè Rom 12:18

Hol tilów ye són gel ye anì laen dù gónó ye mit sfatay bè kem dumu ye tau.

Hibru 6:16

Bè tau kun, ke gel mò fasad, sal gel smafà bè boluy yóm geta sentahen, duhen Dwata. Ne ke yó nmoen ke wen senkukum le, laen kô dù sfuhen yóm keskukum le yó, abay se deng hlanen bè boluy Dwata.