Tekang Kbuten 21:22 - Udél Dwata: Gna Kesfasad ne Lomi Kesfasad

²² Bè yóm kdaw yó, lemwót Abimélék yóm tau mogot bè Girar, mógów ebè Abraham, mung du yóm kmandér bè yó kem sendaluen boluyen Fikol. Yó mon Abimélék mò ke Abraham, “Ó Abraham, tódô dilô me yóm tendo knóen béléem Dwata bè ket yó kem gel nmoem.

Tekang Kbuten 21:22 Iomraidhean Croise

Tekang Kbuten 20:14

Omin Abimélék hulék ke Sara ebè Abraham, wen kem ubiha ne kem safì ne kem hesek libun ne hesek logi hmungen du.

Tekang Kbuten 20:17

Omin Abraham mni bè Dwata, ne hkó Dwata yóm des Abimélék ne yehenen dalang se yó kem libun tóbóng lówóhen anì bud le mngà.

Tekang Kbuten 20:2

Yó tulón Abraham yó kem tau bè yó, yóm yehenen Sara libunen. Duhen yó, tinok yóm tau hol geta bè yó boluyen Abimélék Sara anì nwit le ebéléen ebè gónô bongen.

Tekang Kbuten 26:26

Bè yóm knô Isak bè Birsiba, lemwót Abimélék yóm tau hol geta bè Girar mógów ebéléen, mung du Ahusat yóm fen gel hmau du ne Fikol yóm kmandér bè yó kem sendaluen.

Tekang Kbuten 26:28

Bnalà le se, mon le, “Yó nógów me ebéléem ni, abay se deng tngón me yóm eles tendo knóen béléem Dwata. Deng hendem me, hyu ke wen senfasad tekuy mung du safà. Yó nóyô me ni ke holi smafà bélê me.

Tekang Kbuten 28:15

Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Tekang Kbuten 31:5

Bè yóm kkól le bè yó, yó mon Jakub mò kul, “Deng dilóu bè mà ye yóm là bud hol kgulit kmoen ebéléu, là mkélen bè yóm gnan. Okóm yóm Dwata tendo kun lolò mà eles tendo nô béléu.

2 Samwél 24:7

Omin le hlós fi leged bè yóm benwu wen tey bengen duhen Tayal, ne hlós le ebè yó kem syudad yó kem tau Hibayt ne kem tau Kanan. Hol sónen, hlós le ebè Birsiba, yóm benwu hol fi leged bè Juda.

2 Tutul Israél 1:1

Yóm Selumun ngà Dabid, tey mbegel kogoten du yóm benwu Israél, abay se tendo nô béléen Dwata yóm kun Dwata hol gónó mogot, ne tey kehfasangen du.

Isaya 45:14

Yó udél Dwata ebè yó kem tau Israél, monen, “Angat blayu kuy yó kem kendengen yó kem tau Idyip ne yó kem tau Sudan. Tódô le baling hesek bélê ye yó kem tau lembang tahà bè benwu Siba. Tódô le huli kuy, igò le kendina. Ne mtud le bukol bè solu ye, yó mon le, ‘Tahu Dwata yóm nô bélê ye, laen kô dù dumu dwata, són du.

Isaya 8:10

Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

1 Kurin 14:25

Ne angat gotu benkasen lem blóng ye yóm kun kehedem tehe gel bunihen bè tau, ne angat tódô hegluduk, ne dóyónen Dwata, yó udélen, “Tahu nô lem blóng ye bè ni Dwata.”

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Juswa 3:7

Yó udél Dwata ebè Juswa, monen, “Yóm nmou bélê ye kemdaw ni, mò gónó le madat kóm yó kem tau Israél mò tau malak kul. Ne bè yó gónó le dmilô du yóm knóu béléem lómón yóm tehe knóu bè Musis.

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

1 Samwél 24:22

Tahu se, smafà Dabid. Omin Sol yó mulék ebè gónóen. Okóm kul le Dabid ne yó kem tauhen, bud le semfulék ebè yóm gónó le hebnos.

1 Samwél 3:19

Yóm igò Samwél lemnok, tódô seflós Dwata nô béléen ne laen dù bè yó kem gel tulónen lemwót bè Dwata ke là dohoen.