Tekang Kbuten 21:17 - Udél Dwata: Gna Kesfasad ne Lomi Kesfasad

¹⁷ Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 21:17 Iomraidhean Croise

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 16:11

Angat wen ngaem logi ne boluyem du Ismaél abay se deng gungol Dwata yóm kkikem lemwót bè yóm alì ksidek kegnómem du.

Tekang Kbuten 16:7

Bè yóm klóy Hagar yó, wen hógów Dwata gu bè longit semlong du bè yóm tbul él bè yóm benwu là hyu menwu du bè yóm lan mógów ebè Sur.

Tekang Kbuten 16:8

Yó udélen, monen, “Ó Hagar, yóm hesek Saray, gónóm gu de? Gónóm tô e solu ni du?” Bnalà Hagar, monen, “Mlóye gu bè yóm libun amohu.”

Tekang Kbuten 16:9

Monen mò du yóm hógów Dwata, “Budi mulék ebè yóm libun amohem Saray ne holi heglaan béléen.”

Tekang Kbuten 22:11

sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

2 Bok Kem Tau Hol Geta 13:23

Okóm yóm Dwata, tey kkoduhen kul yó kem tau Israél, ne yó gónó le là gotu meglà. Knoduhen lu lemwót bè yóm deng kesfasad le Dwata Abraham ne Isak ne Jakub. Efet ni kmoen ni, là kô sulék genlaen kul yó kem tauhen, ne là se kô tebelen kul.

Kem Lingón 10:14

Okóm, Dwata, deng tonem se yóm alì kehlayam le tau ne yóm alì kehsidek le kul. Deng eles hendemem ne yóm ktafakem kul. Són uu snalig yó kem tau laen dù gmò le. Uu se gel tmóbóng yó kem ngà hikit.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Kem Lingón 6:8

Ó kem tau gel mò sidek, hlayuk ye béléu, yakà deng gungol Dwata du yóm kkiku.

Kem Lingón 65:2

abay se gel bnalaem yóm kni me ebéléem. Angat tódô kdéen tau bè klamangen benwu, gotu le mógów ebéléem

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kehewà 14:13

Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Kehewà 3:2

Bè yóm kkólen bè yó, wen hógów Dwata gu bè longit hegfan béléen bede hlingu bè dilóf ofi, mkal bè yóm sotu ngà koyu lefungu. Ton Musis yóm koyu lefungu tódô tfeng dilóf okóm là se kóen dog mlób.

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Matyu 15:32

Omin Jisas tmaba ebè yó kem gel lemolò du, ne monen mò kul, “Tey klayuk nawahu kul ni kem tau ni. Deng tlu kdaw le ni ne nô béléu bè ni, laen kô dù bud ken le. Ne là se móyóe tódô hulék kul là mken, kô lenmek le gu bè lan.”

Mark 5:36

Okóm ke Jisas, là dog kenmónen du yóm mon le yó, olon mon du mò ke Jarus, “Béem htafa nawam. Tódô henlelem yóm ksaligem do.”

Dwata 26:7

Omin me yó tmaba ebè Dwata yóm sana Dwata hol gónó le mogot yó kem tehe fù me, mni me tóbóng béléen. Ne tahu se, gungolen yóm kni me yó ne tonen yóm tey keglayam me ne yóm tey kgelen bélê me ne yóm tey ksidek kegnóm me du.

1 Samwél 11:5

Uma kóm ke Sol kun, yó he kkólen gu bè dnaduhen malak safì ominen smólók, “Tedu gfà le ni du? Moen ke kdê le gotu mkik?” Duhen yó, gotu tulón le du yóm tulón yó kem tau lemwót bè Jabis.