Tekang Kbuten 21:10 - Udél Dwata: Gna Kesfasad ne Lomi Kesfasad

¹⁰ Ton Sara yóm nmò Ismaél yó, yó gónón mon du mò ke Abraham, “Hdóhem bè ni yóm libun hesek ni lewu le ngaen. Là kóen hyu bè yóm ngà hesek ke angat gbót gemfun bè yóm kun nfun Isak yóm dou ngà.”

Tekang Kbuten 21:10 Iomraidhean Croise

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Tekang Kbuten 17:21

Okóm bè yóm ngaem Isak, yóm ngà angat sut gu bè Sara halay hulin, béléen gónóhu hlan du yóm fasadu.”

Tekang Kbuten 20:11

Bnalà Abraham, monen, “Yó gónóhu mò du nim ni, abay se yó hendemu, ‘Laen kô dù klikò le ke Dwata ni kem tau bè nim benwu ni. Angat hnatay le ou anì gwa le nim yehenu.’

Tekang Kbuten 22:10

Ominen ma yóm suk ne hol tô hnatayen se yóm ngaen,

Tekang Kbuten 25:19

Ni se yóm tutul yó kem semfu gu bè Isak yóm ngà Abraham.

Tekang Kbuten 25:6

Okóm bè yóm tolo klowilen, wen se blayen bè yó kem dumu ngaen bè yó kem dumu yehenen boluy le Hagar ne Kitura. Yó kem ngaen bè Kitura, fen hbenwuhen lu bè yóm benwu fi dmata kdaw, hlayuken lu bè yóm ngaen Isak.

Kem Udél Hlalak Tehe Selumun 22:10

Anì tefnô yóm kesbólów, hdó yóm tau gel sedekà, dalang se yóm kesegled ne kudél hemsidek nawa.

Matyu 22:13

Omin yóm tau hol geta yó, mdók yó kem tau gel mò nmò béléen, monen, ‘Ni nfét ye sigelen ne tihen, bot ye etu bè lewà bè gónón alì kmifu anì bè yó gónón tendo heslaf ne dmumu mkik, ne sembéhé kakim.’ ”

Kun Snulat Jan 8:35

Yóm tau hesek, sal gel wen sónen yóm kegheseken bè yóm sotu tau. Okóm yóm ngà, laen kô tul sónen kngaen du yóm kun mà.

Glasya 3:18

Ke mlan bè klolò tekuy yóm hlau Musis gónó tekuy gmuta du yóm fasad Dwata laen kô dù muhen yóm fasad yó. Okóm deng eles gegna ne kfasad Dwata du ke Abraham yóm fasaden tekuy yó. Là kóen na a mlan bè klolò tekuy yóm hlau Musis.

Glasya 4:7

Duhen yó, là bud tekuy tau hesek ne, deng tekuy baling kun ngà Dwata. Lemwót bè yóm deng kngaen tekuy, guta tekuy yóm kdê gel blayen bè yó kem ngaen.

1 Pitér 1:4

Bud nangat tekuy snéen yóm tey hyu fan Dwata bè yó kem kun tau ditu bè longit. Laen kô dù hemsidek du yóm fanen tekuy yó, ne laen se kô dù belenen sidek, ne là se monolen yóm tey kehyuhen.

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.