Tekang Kbuten 20:9 - Udél Dwata: Gna Kesfasad ne Lomi Kesfasad

⁹ Omin Abimélék htaba ke Abraham, ne monen mò du, “Tedu de nim deng nmoem bélê me ni? Tedu de deng nmou béléem sidek gónóm mò du bélê me nim ni? Moen ke lómón ni yóm salà hbóem dou dalang se yóm benwu nogotu? Là kóen hyu yóm deng nmoem béléu ni.

Tekang Kbuten 20:9 Iomraidhean Croise

Tekang Kbuten 12:18

Omin Faro tminok ke Abram ne yó monen mò du, “Moen de ke ni nmoem béléu? Moem là tódô tmulón du dou du ke du yehenem?

Tekang Kbuten 20:10

Moen de ke nmoem bélê me nim ni?”

Tekang Kbuten 20:8

Hayahen bè yó, hlafus btik Abimélék, gotu htabahen yóm kdê tóbóng lówóhen, ne gotu tulónen kul yóm kdéen, ne ya tey sidek klikò le.

Tekang Kbuten 26:10

Yó udél Abimélék, monen, “Moen ke gbek nmoem bélê me nim ni? Ke deng wen semtungô du, uu se gónón lemwót yóm tey kegsalà me.”

Tekang Kbuten 29:25

Yó he ketngón Jakub du Liya yóm deng sentungóen, deng mwas. Ominen mógów ebè Laban ne monen mò du, “Moen de ke ni nmoem béléu? Yó gónóhu mò nmò béléem anì gyehenu Rakél. Moen se ni du ke snukatem ou?”

Tekang Kbuten 34:7

Timbow gungol le nim gfà Dina ni, ya tey sidek kegbeng lem le ne tey kebut le lemwót bè yóm nmò Sékém bè yóm libun le, abay se yóm nmò Sékém yó, henyaken yó kem fes lówó Jakub mlan bè yóm kmoen du yóm alì sidek bélê le.

Tekang Kbuten 38:24

Timbow deng tlu bulónen bè yó, wen tmulón du ke Juda deng mlutut Tamar yóm towuhen, ngaen bè kehdóyónen. Hetê Juda, monen, “Nwit ye hewà, ntem ye.”

Tekang Kbuten 39:9

Yóm kwalisen bè ni lem gónô, lómón yó se yóm dou kwalis, ne laen dù nalihen béléu, tek són uu yóm tuha libunen. Là kô gbeku du yóm sidek monem yó, tey salà bè Dwata yóm yó.”

2 Samwél 12:5

Bè kungol Dabid du yóm tulón Natan, botong lenbuten yóm tau wen kendengenen yó, yó monen mò ke Natan, “Safau mlan bè boluy yóm Dwata là matayen, yóm tau mò du yóm lómónen yó tódô hnatay.

2 Samwél 13:12

Bnalà Tamar, igoen mkik, monen, “Bê, igò te slogi, béem gnaga o. Là nmò le du kem logi Israél nim tey sidek ni. Ni se hol kenbê Dwata.

Kehewà 32:21

Monen mò ke Aron, “Tedu deng nmò le béléem ni kem tau ni? Moen ke hmoem kul nim tey salà bong ni?”

Kehewà 32:35

Tahu se, wen des hwit Dwata ebè yó kem tau yó lemwót bè kubug le ke Aron mò yóm ngà safì tudu nmò le gu bè tahu blówón.

Kem Udél Hlalak Tehe Selumun 28:10

Yóm tau snukaten yóm tau laen dù kéngen ebè yóm nmò sidek mom du bud tawan sukaten, okóm yóm tau laen dù belenen bong umunen.

Sulat Pol Ebè Yó Kem Tau Hemtahu Bè Rom 2:11

Abay se yóm Dwata, laen kô dù mtukul nfihen bè yóm kkukumen tau.

Taytus 1:11

Tenflokem lu, abay se tey deng dê gmónô senbeweg le lan le gel tmolok yóm sekban. Yóm ktolok le yó, samut lan le mebel filak.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Juswa 7:25

Yó udél Juswa ebè Akan, monen, “Moen de ke nwitem elem blóng tekuy nim tey gfà bong ni? Ne ni, wen tey hegfà Dwata kóm.” Duhen yó, tódô hnatay sentudà le botu Akan yó kem tau, homong le yó kem fes lówóhen ne gotu hkekeb dnutung le lu gomong yóm kdê nfun le.