Tekang Kbuten 20:6 - Udél Dwata: Gna Kesfasad ne Lomi Kesfasad

⁶ Omin Dwata bud mon du mò ke Abimélék, “Tahu se, tngónu laen dù salaem. Yó se gónów là hemlus du kóm ke sentungóem anì là gemsalai béléu.

Tekang Kbuten 20:6 Iomraidhean Croise

Tekang Kbuten 20:18

Yakà deng hatil Dwata lu yó kem libun lem gónô Abimélék lemwót bè yóm kwa Abimélék ke Sara yehen Abraham.

Tekang Kbuten 26:11

Omin Abimélék hemwit udél ebè kdéen tau, monen, “Ke wen tau temdól kul ni kem tau ni lewu le yehenen, angat hnatay kmò du.”

Tekang Kbuten 3:3

tek són yóm koyu mteg bè gónón sóól, là hken Dwata du kum bunguhen ne là se kô gdù me du. Ke yó nmò me matay me.”

Tekang Kbuten 31:24

Bè yóm kifu yó, hegfan bè kna Laban Dwata, monen mò du, “Ó Laban, hol ten-gamahem yóm kudélem ebè Jakub, béi abay mudél sidek ebéléen.”

Tekang Kbuten 31:7

Ewenem yó, mom snukaten ou ne botong sfolò duléken tendo temles yóm kmò ksukéyen dou. Okóm là hlus Dwata du béléen ke hensideken ou.

Tekang Kbuten 35:5

Bè yóm kdó Jakub ne yó kem ngaen logi bè yó bè Sékém, là kô ktes le kul yó kem tau hmilol bè yó abay se wen tey klikò le lemwót bè Dwata.

Tekang Kbuten 39:9

Yóm kwalisen bè ni lem gónô, lómón yó se yóm dou kwalis, ne laen dù nalihen béléu, tek són uu yóm tuha libunen. Là kô gbeku du yóm sidek monem yó, tey salà bè Dwata yóm yó.”

Kem Lingón 51:4

Béléem nim gónóhu gemsalà ni, deng gmou yóm kenbéem. Yó gónóm mon, là kóen sidek ke hensalaem ou. Bong knóón ke tnafakem ou.

Kem Lingón 81:12

Duhen yó, tódô bayau kul ne yóm kgel kulu le yó anì lolò le yóm kul knóyô.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Kehewà 34:24

Ou se angat hdó kul yóm kdéen tau bè yóm benwu deng fasadu kuy ne bud ou se angat hlamang du yóm benwu ye yó. Kogolen bè yó, laen kô dù tau mundug du yóm benwu ye bè yóm igò le mógów ebéléu tlu dulék sfalay yó kem logi bélê ye na a tmaba ebéléu.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kem Udél Hlalak Tehe Selumun 6:29

Lómón se ni laen dù tau smamuk tuha libun dumu tau, duhen ke mogot du ke là megtafaken.

Matyu 27:19

Yóm igò Paylét tolo myón bè yóm gónón myón kmukum, wen sulat hwit yehenen ebéléen, monen, “Hol béi abay gbót hemsidek du kóm yóm tau laen dù salaen yó. Tey sidek kegnómu du ebuteng lemwót bè yóm keknahu du.”

1 Kurin 7:1

Ne ni balau du bè yóm tehe snólók ye béléu bè yóm ksulat ye. Bong bè yóm snólók ye bè kyehen, hyu snéen yóm tau ke là dogen myehen.

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

2 Tisalunika 2:11

Ne lemwót bè yóm kekbê le yóm ktahuhen, yó gónó Dwata hemlus du ebélê le yóm kehedem là tedengen anì hentahu le yóm kéng.

2 Tisalunika 2:7

Okóm ni kmoen ni, wen se gel nmoen bede là dengen hol gfan he. Yó he kmoen du sok lemwót bè yóm semgafas du.

1 Samwél 25:26

Duhen ni, Sér, Dwata se deng hemseng kóm anì là melesi ne là hnatayem yó kem hohonem. Ne nim udélu ni hlanu bè yóm Dwata là matayen ne taman mowili se kóm, yó kem hohonem ne yó kem tau matul mò sidek béléem, Dwata he hol heskél kul ke Nabal.

1 Samwél 25:34

Dwata se deng hemseng do anì là hensideku kóm. Ke là hetlasik senlongem do, laen dù logi mò nmò bè Nabal ke mowil hlafus haya, yakà deng safau du bè yóm Dwata là matayen.”