Tekang Kbuten 20:2 - Udél Dwata: Gna Kesfasad ne Lomi Kesfasad

² Yó tulón Abraham yó kem tau bè yó, yóm yehenen Sara libunen. Duhen yó, tinok yóm tau hol geta bè yó boluyen Abimélék Sara anì nwit le ebéléen ebè gónô bongen.

Tekang Kbuten 20:2 Iomraidhean Croise

Tekang Kbuten 12:15

Wen bè yó kem genlal bè Faro bélê le mton ke Saray ne tulón le du yóm tey ktiloben ne yó gónó Faro hangay ke Saray ebè gónô bongen.

Tekang Kbuten 20:12

Tahu se, slibun me, ssotu me bè mà fen me stólóng bè yê, ne nwahu mò yehenu.

Tekang Kbuten 21:22

Bè yóm kdaw yó, lemwót Abimélék yóm tau mogot bè Girar, mógów ebè Abraham, mung du yóm kmandér bè yó kem sendaluen boluyen Fikol. Yó mon Abimélék mò ke Abraham, “Ó Abraham, tódô dilô me yóm tendo knóen béléem Dwata bè ket yó kem gel nmoem.

Tekang Kbuten 26:1

Bè yóm kun kdaw Isak, bud mbel bitil bong bè yó bè Kanan, tólóng se yóm tehe kbel bitil bè Kanan ekni bè yóm tehe kun kdaw yóm maen Abraham. Lemwót Isak mógów ebè Abimélék bè Girar yóm sotu benwu glem lem Kanan. Nim Abimélék ni, tau hol geta mogot yóm benwu yó kem tau Flistin.

Tekang Kbuten 26:16

Omin Abimélék yóm tau hol geta bè yó kem Flistin, mógów ebè Isak ne monen mò du, “Mdóhi bè ni bè kum benwu, yakà dengi mbegel senta me.”

Tekang Kbuten 26:7

Tikóng snólók yó kem logi menwu bè yó Isak gbak bè yehenen Ribika, yó tulónen kul, monen, “Libunu.” Likò tmulón du ke yehenen. Yó hendemen, “Angat hnatay le o anì nwa le béléu, yakà teyen tilob.”

2 Tutul Israél 19:2

Senlong Jihu yóm tau wen hton Dwata du, ngà Hanani. Yó mon Jihu mò du, “Moen du ke mom tnóbóngem yó kem tau gel mò sidek, fen kenbong nawahem yó kem tau kmutó nawa ke Dwata? Lemwót bè nim nmoem ni, gbunuem ne yóm kebut Dwata kóm.

2 Tutul Israél 20:37

Okóm wen udél htugod Dwata ke Ilisér ngà Dudabahu bè Marisa eta Jihusafat, monen mò du, “Lemwót bè yóm deng kegfihem bè Ahasaya, genbà Dwata yó kem hmò ye.” Tahu se, gbà yó kem kafal le bè yóm gónó le mò du, là kô le gógów, bà sulék ke mówóng le ta mohin.

2 Tutul Israél 32:31

Okóm bè yóm kdaw kwen kem genlal lemwót bè Babilun na a hemtukul smólók yó kem hentaw ton deng ton le bè Juda, yó nmò Dwata, tódô bayaen Hisikaya anì bè yó gónón temngón du yóm hol nô bè nawa Hisikaya.

Kem Udél Hlalak Tehe Selumun 24:16

Yóm tau tedeng kmoen baluen ke hilu duléken wen hemsidek du sal bud gel gebtik, okóm kul yó kem tau gel mò sidek glumfak hlayam le.

Kem Udél Hlalak Tehe Selumun 29:25

Yóm tau tnafa nawahen yóm kehedem dumu tau ebéléen henged holot gónón bekó, okóm yóm tau snaligen Dwata hyu knóen.

Kem Udél Hlalak Tehe Selumun 6:29

Lómón se ni laen dù tau smamuk tuha libun dumu tau, duhen ke mogot du ke là megtafaken.

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

Kulasi 3:9

Bê tekuy abay gel mò kéng, yakà deng kó tekuy tum tehe gna klowil mahil mò sidek.