Tekang Kbuten 20:18 - Udél Dwata: Gna Kesfasad ne Lomi Kesfasad

¹⁸ Yakà deng hatil Dwata lu yó kem libun lem gónô Abimélék lemwót bè yóm kwa Abimélék ke Sara yehen Abraham.

Tekang Kbuten 20:18 Iomraidhean Croise

Tekang Kbuten 12:17

Okóm lemwót bè yóm kwiten ke Saray ebè gónóen, yó gónó Dwata hemwit ebéléen ne ebè yó kem tau nô lem yóm gónô bongen yóm tey des sidek.

Tekang Kbuten 16:2

Yó mon Saray mò ke Abram, “Lemwót bè yóm là kehngà Dwata dou, yake sentungóem dé yóm libun heseku. Déke mngà anì mò dou.” Tódô nmung Abram yóm mon Saray mò du yó.

Tekang Kbuten 20:7

Ne ni, hulékem ebè yehenen yóm libun yó, yakà tugodu yóm yehenen, ne du fen mni béléu béléem anì là matayi. Okóm ke là hulékem du, hol tahu se angati matay dalang se yóm kdê tau nô lem gónóem.”

Tekang Kbuten 30:2

Deng mom lenbut Jakub Rakél ne monen mò du, “Ou kô Dwata? Bè Dwata se gónón lemwót yóm là kngaem.”

1 Samwél 1:6

Okóm mom yó nmò Pinina gel mudél hélé ebè Hana mò gónón hemyak du lemwót bè yóm là kehngà Dwata du.

1 Samwél 5:10

Duhen yó, bud hwit le ebè syudad Ikrun yóm Slungan Dwata yó, yóm sotu bè yó kem syudad Flistin. Yóm kkólen bè Ikrun, ya tey sidek klangat yó kem tau bè yó, mon le, “Yó gónó le mit du edini yóm Slungan yóm Dwata yó kem tau Israél anì gotu tekuy matay.”